Vaşinqton/18.10.23/Turan: Bazar ertəsi Bayden administrasiyası bu yaxınlarda Ukraynaya "165 kilometr məsafəli ATACMS raketləri" verdiyini təsdiqləyib. Bu barədə Ağ Evin Milli Təhlükəsizlik Şurasının nümayəndəsi bildirib.
"Hesab edirik ki, bu, Ukraynanın hərbi imkanlarının əhəmiyyətli dərəcədə artmasını təmin edəcək", - Ağ Evin mətbuat xidmətinin nümayəndəsi Turan-a bildirib.
Ukraynaya ATACMS verilib-verilməməsilə bağlı mübahisələr bir neçə aydır ki, davam edirdi.
İlk dəfə may ayında prezident Bayden bildirmişdi ki, Ukraynanın uzun mənzilli raket sistemləri ala bilməsi mümkündür. Turan-ın Vaşinqtondakı müxbirinə bildirmişdilər ki, Ukraynaya ATAMCS göndərilməsi "gündəmdədir".
Ağ ev son qərarı yayın sonunda qəbul edib və ötən ay bu barədə prezident Vladimir Zelenskiyə bildirib. Dünən Ukrayna bu silahdan Rusiya vertolyotlarını vurmaq üçün istifadə edib.
Prezident Zelenski bu xəbəri açıqlayıb və bildirib ki, prezident Bayden ilə razılaşmalar "çox dəqiq yerinə yetirilir".
«ATACMS özünü doğrultdu”, - o deyib.
Bu addım ABŞ Konqresində "müsbət addım" kimi qarşılansa da, Nümayəndələr Palatasının Xarici İşlər Komitəsinin sədri Maykl Makkol bu raketlərin çox gec verildiyindən məyusluğunu bildirib.
"Ukraynanın aylarla davam edən əks- hücumundan sonra bu silahların verilməsi tamamilə mənasızdır", - Makkol deyib. -0
Siyasət
-
Bu gün Bayraq Meydanında Azərbaycanın dövlət bayrağı qaldırılıb.
-
"44 günlük Vətən müharibəsi bizim şanlı tariximizdir, parlaq Qələbəmizdir. Biz həm Birinci Qarabağ müharibəsinin, həm İkinci Qarabağ müharibəsinin, eləcə də antiterror əməliyyatının şəhidlərinin qanını döyüş meydanında aldıq, öz ərazi bütövlüyümüzü, suverenliyimizi bərpa etdik". Bu barədə noyabrın 8-də dövlət başçısı İlham Əliyev Bakıda Zəfər Parkının açılış mərasimində bildirib.
-
Azərbaycan Talışları İctimai Şurasının (ATİŞ) üzvü, ehtiyatda olan polkovnik Mikayıl Hacıyev noyabrın 7-də Bakıdan Yekaterinburqa gedə bilməyib. Bu barədə Turan Agentliyinə o özü bildirib.
-
Noyabrın 7-də Bakının Xətai Rayon Məhkəməsində Abzas Media nəşrinin direktoru Ülvi Həsənlinin ev dustaqlığına keçirilməsi haqqında vəsatətə baxılıb. Dinləmələr iş günündən sonra, saat 19.15-də keçirilib, bu barədə vəkil Zibeydə Sadıqova bildirib. Bu, Həsənlinin prosesdə onlayn iştirak etməkdən imtina etməsi və prosesdə iştirak etməkdə israr etməsi səbəbindən baş verib.
Rəy yaz