ABŞ və Avropa İranda daha bir dissidentin edam edilməsidən hiddətlənib

Çərşənbə axşamı ABŞ, Kaliforniyada yaşayan Almaniya və İran vətəndaşı Cəmşid Şarmaxdın İranda edam edilməsi barədə xəbəri pisləyib.

İranın təhlükəsizlik qüvvələri 68 yaşlı Kaliforniya sakinini 2020-ci ildə Dubaya səfəri zamanı qaçıraraq İrana göndəriblər. Bazar ertəsi ölkənin dövlət KİV-i bildirib ki, hakimiyyət Şarmaxdı "terrorizmdə" günahkar hesab etdikdən sonra edam edib.

"Bu, İranın onu qaçırdığı zaman törətdiyi transmilli repressiyalardan sonra ən iyrənc hərəkətidir", - brifinq zamanı Dövlət Departamentinin nümayəndəsi Metyu Miller Turan-ın suallarını cavablandırarkən deyib.

Çərşənbə axşamı Almaniya Xarici İşlər Nazirliyi İrandakı səfirini məsləhətləşmələr üçün geri çağırıb, həmçinin  Berlində İranın müvəqqəti işlər vəkilini çağırıb. Almaniyanın xarici işlər naziri Annalena Berbok bildirib ki, Almaniya hökuməti "Tehrana bir daha işarə edib ki, Almaniya vətəndaşının edam edilməsi ciddi nəticələrə səbəb olacaq”.

Avropa İttifaqı da edamı pisləyərək bildirib ki, İran rejiminə qarşı cavab tədbirlərinin görülməsi imkanları nəzərdən keçiriləcək, çərşənbə axşamı Avropa İttifaqının baş diplomatı Cozep Borrel deyib.

* İranın xüsusi xidmət orqanlarının əməkdaşları Şarmaxdı 2020-ci ildə Dubaya səfəri zamanı qaçırıblar. O zaman İran hakimiyyəti onu İranda terror təşkilatı elan edilmiş müxalifətyönlü "Tondar" qruplaşmasının lideri hesab edirdi.