Aİ Miqrasiya və Sərhəd Xidmətlərinin işçiləri üçün miqrantlarla iş üzrə treninq keçirib

Bakı/08.11.18/Turan: Avropa İttifaqının Mobilaze layihəsi Bakıda Dövlət Sərhəd Xidmətinin və Dövlət Miqrasiya Xidmətinin işçiləri üçün dövlət sərhədini keçən əcnəbilərin sənədləri ilə yeni iş metodlarının təlimi üzrə üç günlük yekun treninqlər keçirib.

İşçilərə saxta sənədləri tanımaq, sənədləri rəsmi nümunələrlə tutuşdurmaq, söhbət aparmaq, müasir avadanlıqla işləmək öyrədilib.

Sözügedən idarələrə praktiki iş və Miqrasiya və Sərhəd xidmətlərinin işçilərinə paylanması üçün sənədlər və təlim materialları verilib.

Həmçinin, Avropa İttifaqı Azərbaycan, ingilis, rus, ərəb, çin və urdu dillərində cib lüğətləri, habelə smartfonda oxunan mokrokartlarda elektron formatda təlimatlar və vəsaitlər hazırlayıb və Azərbaycanlı məmurlara təqdim edib.

Təlim Aİ-nin "Azərbaycanla yerdəyişmə üzrə əməkdaşlığa dəstək" (Mobilaze) layihələri çərçivəsində Aİ və Azərbaycanın imzaladığı Yerdəyişmələr üzrə Tərəfdaşlıq Bəyannaməsinə uyğun olarak keçirilib.

Tərəfdaşlığın məqsədi mütəşəkkil miqrasiyanın idarə edilməsi təcrübəsinin və bacarıqlarının Azərbaycana ötürülməsindən, miqrasiya proseslərinin monitorinqi, araşdırılması və proqnozu potensialının genişləndirilməsindən ibarətdir.

Layihə iştirakçıları yeddi Aİ ölkəsinə təlim səfərləri ediblər.

Sənədlərin qəbulu mərasimində çıxış edən Miqrasiya və Sərhəd xidmətlərinin rəis müavinləri Ülvi Əliyev və Azad Qasımov layihənin uğurla həyata keçirilməsindən məmnunluq ifadə ediblər. Layihənin meneceri Məryəm Hacıislamovanın sözlərinə görə, layihə 2019-cu ilin ortalarına qədər davam edəcək. -0-