Aİ Şurası Moldovanın hava hücumundan müdafiəsini gücləndirəcək

İyunun 13-də Avropa İttifaqı Şurası Moldovanın hava hücumundan müdafiəsinin müasirləşdirilməsi məqsədilə ölkənin Silahlı Qüvvələrinə yardım göstərilməsi haqqında qərar qəbul edib. Bu barədə Aİ Şurasının press-relizində deyilir.

9 milyon avro ölçüsündə yardım qısa mənzilli HHM sisteminin maliyyələşdirilməsinə yönəlib. Aprel ayında Aİ Şurası Moldova SQ-nin havadan müşahidə, radioelektron mübarizə sahəsində müasirləşdirilməsinə 41 mln. avro ayırmışdı.

2021-ci ildən etibarən Moldovaya göstərilən yardım Rusiyanın Ukraynaya qarşı təcavüzü fonunda onun kritik əhəmiyyətə malik vətəndaş infrastrukturunu və mülki əhalisini daha yaxşı qorumasına imkan verəcək. Bu, həmçinin Moldovanın Aİ-nin hərbi missiyalarında və əməliyyatlarında iştirakı imkanlarını genişləndirəcək.

Beləliklə, Brüssel tərəfindən Kişinyova hərbi yardımın ümumi həcmi 137 milyon avroya çatıb, deyə məlumatda qeyd edilib.