Avropa İnsan Hüquqları Məhkəməsi (AİHM) 2010-cu ilin parlament seçkiləri ilə bağlı daha 8 iş üzrə kommunikasiyaya start verib. Beləliklə, AHİM-in 2010-cu il seçkiləri üzrə Azərbaycan hakimiyyəti ilə kommunikasiyaya başladığı şikayətlərin ümumi sayı 51-ə çatıb. Bu barədə Turan-a Hüquqi Maarifləndirmə Cəmiyyətinin rəhbəri İntiqam Əliyev bildirib.
Onun sözlərinə görə, 7 iş AXCP lideri Əli Kərimlinin (AXCP-Müsavat Siyasi Partiyalar Bloku), İlham Hüseynli (AXCP-Müsavat Siyasi Partiyalar Bloku), Yaqub Babalı (Klassik Xalq Cəbhəsi Partiyası), Rəşid Mansurov (Qarabağ Seçki Bloku), Leyla Mustafayeva (müstəqil namizəd), Soltanhəmid Məlikov (müstəqil namizəd), Qiyas Sadıqov (Klassik Xalq Cəbhəsi Partiyası), Sitarə Zeynalovanın (müstəqil namizəd) şikayətləri ilə bağlı işlərdir.
R.Mansurovun işini Emin Aslan, İ.Hüseynlinin işini Hafiz Həsənli, digər şikayətçilərin hüquqlarını isə İntiqam Əliyev müdafiə edir.
Şikayətçilərin hamısı Avropa İnsan Hüquqları Konvensiyasının 1 saylı protokolunun 3-cü maddəsi ilə təminat verilən azad seçki hüququnun, Konvensiyanın 13-cü maddəsi ilə təminat verilən səmərəli araşdırma hüququnun olmamasından şikayətləniblər.
Ə.Kərimli və İ.Hüseynli həmçinin şikayətlərində ayrı-seçkiliyə məruz qalmamaq hüququnun pozuntusunu qaldırıblar.
Şikayətlərdə söhbət seçkilərin saxtalaşdırılmasından, o cümlədən hakimiyyət nümayəndələrinin seçki prosesinə qanunsuz müdaxiləsindən, hakim partiyanın və onun namizədlərinin xeyrinə inzibati resurslardan istifadə olunması, seçki komissiyalarında və məhkəmələrdə şikayətlərin ədalətsiz araşdırılmasından söhbət gedir.
Qeyd edək ki, AİHM AXCP lideri Ə.Kərimlinin azad seçki hüququnun pozulması üzrə ikinci şikayəti ilə bağlı kommunikasiya aparır. Bundan əvvəl AHİM 2005-ci il parlament seçkilərində onun hüquqlarının pozulduğunu etiraf edib və Azərbaycan hökumətinin ona pul kompensasiyası ödəməsi haqda qərar çıxarıb.
Kommunikasiya üçün qəbul edilən 51 şikayətdən 31- i namizədliyin qeydiyyatından imtina, 19-u seçki prosesində baş verən pozuntular və onlarla əlaqəli səmərəli araşdırmaların olmaması ilə bağlıdır. —06D--
Siyasət
-
Yunanıstanın "Newsit" nəşri dekabrın 30-da bildirib ki, Mikaela Cav, ləqəbi İzzət Xanım Cavadova 12 nəfərlə birlikdə Yunanıstanda saxlanılıb: https://www.newsit.gr/ellada/i-ksanthia-dj-mikaela-ksadelfi-tou-proedrou-tou-azermpaitzan-kai-ta-prive-parti-me-kokaini-sta-kalyvia/4271552/#Echobox =1735571705
-
Azərbaycan Prezidenti İlham Əliyev bazar günü Dünya Azərbaycanlılarının Həmrəyliyi Günü və Yeni İl münasibətilə xalqa müraciət edərək, 2024-cü ilin nailiyyətlərini və qarşıda duran çağırışları nəzərdən keçirdi.
-
Ermənistanın Baş naziri Nikol Paşinyan Yeni il müraciətində ölkə üçün yeni bir rəhbər ideologiya təqdim edib. Bu ideologiya keçmiş Ermənistan Sovet Sosialist Respublikası (Ermənistan SSR) sərhədləri daxilində “həqiqi” respublika anlayışına əsaslanır. Onun çıxışı ənənəvi narrativlərdən əhəmiyyətli bir ayrılma kimi qiymətləndirilib, tarixi incikliklərin aradan qaldırılaraq milli rifah və inkişaf üzərində cəmləşmənin vacibliyini vurğulayıb.
-
Litvanın xarici işlər naziri Kestutis Budris bazar günü Azərbaycanın xarici işlər naziri Ceyhun Bayramovla telefon danışığı apararaq Bakı-Qroznı reysi zamanı Aktau yaxınlığında baş vermiş "Azərbaycan Hava Yolları" sərnişin təyyarəsinin faciəli qəzası ilə bağlı başsağlığı verib. Bu barədə Azərbaycanın Xarici İşlər Nazirliyi məlumat yayıb.
Rəy yaz