Avropa İnsan Hüquqları Məhkəməsi (AİHM) həbsdə olan sabiq səhiyyə naziri Əli İnsanovun Qaradağ Rayon Məhkəməsinin qərarından şikayətini baxılmaq üçün qəbul edib.
Ə.İnsanovun vəkili Toğrul Babayev Strasburq məhkəməsindən bu barədə rəsmi məlumat alıb. Xatırladaq ki, Ə.İnsanov 2005-ci ilin oktyabrında dövlət çevrilişinə cəhd ittihamı ilə həbs olunub. Sonradan iqtisadi cinayətlərdə ittiham olunaraq 11 il müddətinə həbs edilib.
Strasburq məhkəməsi Ə.İnsanovun hüquqlarının pozulduğunu tanısa da onun barəsində hökm qüvvədə qalıb.
2016-cı ilin oktyabrında Ə. İnsanovun həbs müddətinin bitməsinə bir neçə gün qalmış ona qarşı qanunsuz narkotik maddə saxlamaq, hakimiyyət nümayəndəsinə müqavimət göstərmək, qadağan olunmuş əşyalar saxlamaq kimi yeni ittihamlar irəli sürülüb.
Ə.İnsanov yeni ittihamları saxta hesab edərək bununla bağlı AİHM-ə müraciət edib.
Eyni zamanda prokurorluğun təqdimatı ilə bu gün Ə.İnsanovun həbs müddəti daha bir ay uzadılıb.-03B-
Siyasət
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
-
Fevralın 4-də vəkil Zibeydə Sadıqova 1saylı Bakı İstintaq Təcridxanasında “Meydan” TV” işi üzrə həbs olunmuş müxbir Natiq Cavadlı ilə görüşüb.
-
Çərşənbə axşamı ABŞ prezidenti Donald Tramp ilk beynəlxalq qonağını - İsrailin baş naziri Binyamin Netanyahunu Ağ Evdə qarşılayıb.
-
Jurnalist Şəmşad Ağa gecə saatlarında polis tərəfindən saxlanılıb. Bu barədə jurnalistin qardaşı Şahid Ağayev Amerikanın Səsinə bildirib.
Rəy yaz