AİHM-nin qərarına baxmayaraq, Ali Məhkəmə Əli İnsanovu həbsdə saxladı (YENİLƏNİB)

Noyabrın 15-də Azərbaycan Ali Məhkəməsinin Plenumu Avropa İnsan Hüquqları Məhkəməsinin keşmiş səhiyyə naziri Əli İnsanovla bağlı qərarına baxaraq, Ali Məhkəmənin və Bakı Apellyasiya Məhkəməsinin onun işi üzrə hökmlərini ləğv edib.

Eyni zamanda, Plenum birinci instansiya məhkəməsinin İnsanovun 11 il müddətinə azadlıqdan məhrum edilməsi haqqında hökmünü qüvvədə saxlayıb. Lakin Plenumun qərarına əsasən, AİHM-nin göstərişi nəzərə alınmaqla, iş təkrar məhkəmə istintaqı üçün Bakı Apellyasiya Məhkəməsinə göndərilir. Bu barədə Turan-ın müxbirinə İnsanovun vəkili Toğrul Babayev bildirib.

O, məhkəmənin qərarını ədalətsiz və qeyri-obyektiv adlandırıb, belə ki, AİHM-nin İnsanovun hüquqlarının pozulmasını tanımasına baxmayaraq, Ali Məhkəmə onu həbsdə saxlayıb.

Vəkil hesab edir ki, Bakı Apellyasiya Məhkəməsi AİHM-nin qərarından irəli gələrək, İnsanovu həbsdən azad etməlidir.

Qeyd edək ki, jurnalistlər və insanovun tərəfdarları Plenumun iclasına buraxılmayıblar.

14 mart 2013-cü ildə AİHM Əli İnsanov barəsində qərar çıxararaq, sabiq nazirin Azərbaycan hökumətinə qarşı ədalətli məhkəmə təhqiqatı hüququnun pozulması və ona qarşı işgəncə tətbiq edilməsi ilə əlaqədar iddiasını təmin edib.

Bundan başqa, AİHM-nin qərarına əsasən, Azərbaycan hökuməti kompensasiya kimi İnsanova 10 min avro ödəməlidir. AİHM-nin qərarı iyunun 14-də qüvvəyə minib.

Əli İnsanov 2005-ci il parlament seçkiləri ərəfəsində həbs edilib. O, əvvəlcə dövlət çevrilişinə cəhddə ittiham olunub, daha sonra ittiham ayrıca icraata ayrılıb və 2007-ci ilin aprelində o, iqtisadi cinayətlərə görə mühakimə olunub və 11 il azadlıqdan məhrumetmə cəzasına məhkum edilib. -03B06-

2013 Noyabr 15 (Cümə) 15:38:54

Noyabrın 15-də saat 15.00-da Ali Məhkəmənin Plenumu AİHM-nin keçmiş səhiyyə naziri Əli İnsanovun işi üzrə qərarının icrası ilə bağlı məsələyə baxıb.

Jurnalistlər və İnsanovun 50-yə yaxın tərəfdarı dinləmələrə buraxılmayıb.

İnsanov özü də prosesə buraxılmayıb.

14 mart 2013-cü ildə AİHM Əli İnsanov barəsində qərar çıxararaq, sabiq nazirin Azərbaycan hökumətinə qarşı ədalətli məhkəmə təhqiqatı hüququnun pozulması və ona qarşı işgəncə tətbiq edilməsi ilə əlaqədar iddiasını təmin edib.

İnsanovun vəkili Toğrul Babayevin fikrincə, Ali Məhkəmənin Plenumu AİHM-nin qərarı ilə əlaqədar Azərbaycan məhkəmələrinin hökmlərini ləğv etməli və İnsanovu azad etməlidir.

Bununla belə, Plenum AİHM-nin müxalifət və ictimai xadimlərin – Pənah Hüseyn, Sərdar Cəlaloğlu, Arif Hacılı, Rauf Arifoğlu, İqbal Ağazadə və Etimad Əsədovun mülki iddiaları üzrə qərarlarının icrası məsələlərinə baxılmasını təxirə salıb.

Bu, məruzəçi hakim Fərhad Kərimovun xəstəliyi ilə əsaslandırılıb. -06D-