Bakı/24.10.17/Turan: Human Rights Watch-un (HRW) biznes və insan hüquqları üzrə əməkdaşı Ameliya Noymayer AYİB tərəfindən Avropaya qaz kəməri tikintisi üçün kredit ayrılmasını Azərbaycanda zəruri islahatlara təsir üçün əldən buraxılmış fürsət adlandırıb.
https://www.hrw.org/news/2017/10/20/azerbaijan-gets-us500-million-loan-gas-transportation
HRW-nin saytında yerləşdirilmiş "Azərbaycan qaz nəqli üçün 500 milyon ABŞ dolları ölçüsündə kredit alıb" sərlövhəli məqalədə Noymayer qeyd edir ki, AYİB kredit məsələsindən islahatları təşviq etmək üçün alət kimi istifadə edə bilərdi, amma bu fürsəti əldən buraxıb.
Bank kredit ayrılması haqqında qərar qəbul edib, baxmayaraq ki, beynəlxalq Mədən Sənayesində Şəffaflıq Təşəbbüsü (MSŞT) bu yaxınlarda hökumət vətəndaş cəmiyyəti qruplarına qarşı mübarizəyə son qoymadığı üçün Azərbaycanın fəaliyyətini dayandırmışdı. Və bu qərar AYİB tərəfindən dəstəklənmişdi.
Bankın qərarı ilin əvvəllərində gözlənilirdi, amma martda Azərbaycan MSŞT-də iştirakdan kənarlaşdırıldıqdan, daha sonra işini dayandırdıqdan sonra təxirə salınmışdı. MSŞT hökumətlərin, korporasiyaların və müstəqil qrupların neft, qaz və faydalı qazıntıların gəlirlərindən necə istifadə olunduğu haqqında açıq ictimai debatların təşviq edilməsi yolu ilə resurslarla zəngin ölkələrin ən yaxşı idarəetməsinə şərait yaradan koalisiyasıdır.
AYİB MSŞT-nin bu qərarını dəstəkləmişdi və "çoxpartiyalı demokratiya və plüralizm" prinsiplərini ehtiva edən siyasi mandata malik yeganə çoxtərəfli inkişaf bankıdır. Bank bilirdi ki, bu, ən azından 2014-cü ildən, Azərbaycan üzrə strategiyasının Azərbaycanın insan hüquqları sahəsində öhdəliklərinin yerinə yetirilməsi məsələsində mənfi reputasiyasını açıq-aşkar etiraf etdiyi zamandan baş verir.
Məqalə müəllifi AYİB-in Azərbaycanın əvvəlki kimi MSŞT kimi şəffaflıq prinsiplərinə sadiq qalacağı iddiasını şübhə ilə qarşılayır: "Vətəndaş cəmiyyətinə təzyiqləri və kütləvi korrupsiya haqqında yeni bəyanatları nəzərə alaraq, bunu başa düşmək çətindir. Bankın qərarı The Guardian-da Azərbaycanın iki il ərzində Avropalı siyasətçiləri öz tərəfinə çəkmək, o cümlədən insan hüquqları haqqında hesabatı ağlamaq üçün 2,9 mlrd. dollar xərclədiyi haqqında araşdırmaya həsr olunmuş yazının dərc olunmasından bir neçə həftə sonra verilib. -0-
Siyasət
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
-
Demokratik Qüvvələrin Milli Şurasının üzvü Cəmil Hacıyev polis tərəfindən ona qarşı təzyiqin davam etdiyini bildirib.
-
Yanvarın 15-də Yasamal Rayon Məhkəməsi Siyasi Menecment İnstitutunun direktoru Azər Qasımlı barəsində qətimkan tədbirinin dəyişdirilməsi haqqında vəsatəti təmin etməyib. Bu barədə Turan-a onun vəkili Aqil Layıc bildirib.
Rəy yaz