Açiq mənbələrdən foto.
AKINCI pilotsuz uçuş aparatı Bakıya gəlib
Bakı/23.05.22/Turan: Dünən Türkiyənin ən yeni zərbəçi-kəşfiyyatçı AKINCI pilotsuz uçuş aparatı Bakıya gəlib. O, İstanbuldan Qara Dəniz boyunca, Gürçüstan üzərindən keçməklə, 2 min km-ə yaxın məsafə uçaraq, Xəzər sahilinə eniş edib.
AKINCI 26-29 may tarixlərində Bakıda Crystal Hall-da və dənizkənarı bulvarda keçiriləcək TEKNOFEST aviasiya festivalında iştirak edəcək.
"Teknofest Azərbaycan" çərçivəsində texnoloji müsabiqələr, habelə pilotsuz uçuş aparatlarının və helikopterlərin sərgisi keçiriləcək. Festival proqramına Azərbaycan HHQ-nin pilotaj uçuşları, habelə Türkiyənin Turkish Stars və Solo Türk pilotaj qruplarının çıxışları daxildir.
Mayın 23-də səhər saatlarından etibarən Bakı üzərindən Türkiyə HHQ-nin qırıcı təyyarələrinin sınaq uçuşları başlayıb.
* AKINCI ilk uçuşunu 6 dekabr 2019-cu il tarixində həyata keçirib. Onun yük qaldırma qabiliyyəti 1350 kq, maksimum kütləsi 5,5 tondur. Bu, qanadlı raketlər buraxa bilən pilotsuz uçuş aparatıdır. Uzunluğu 12,2 m, qanadlarının kənar nöqtələri arasında məsafə 20 metrdir. Uçuş müddəti 24 saat, maksimum uçuş yüksəkliyi 12 metrdən çoxdur.
Müxtəlif növ bir neçə raket və aviasiya bombası daşıya bilir. 275 km mənzilli SOM qanadlı raketini, habelə 100 km-ə qədər mənzilli hava-hava sinfinə aid raketləri daşıya bilən ilk pilotsuz uçuş aparatıdır.
AKINCI süni zəkaya malikdir. O, 2021-ci ildə Türkiyə HHQ-nin silahları arasına qəbul edilib. 2022-ci ildən etibarən seriya şəklində istehsal olunur. -02D-
-
- Maliyyə
- 23 May 2022 12:00
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz