Allahşükür Paşazadə Rus Pravoslav Kilsəsinin ordenilə təltif edilib
Moskva və Bütün Rusiyanın Patriarxı Kirill Qafqaz Müsəlmanları İdarəsinin sədri şeyxülislam Allahşükür Paşazadəyə Kiyev, Moskva və bütün Rusiya mitropoliti müqəddəs Aleksiy ordenini təqdim edib.
Təqdimat mərasimi Moskvada patriarxın iqamətgahında keçirilib.
Paşazadə 75 yaşı münasibətilə "dinlərarası dialoqun inkişafına, cəmiyyətdə ənənəvi dəyərlərin qorunmasına verdiyi töhfəyə görə" yüksək mükafata layiq görülüb.
Mükafatı təqdim edən patriarx Kirill qeyd edib ki, dünyada münaqişələrin baş verdiyi bir vaxtda Azərbaycan və Rusiya xalqları arasında belə təhlükələr olmayıb.
O həmçinin deyib ki, xristian və müsəlman nümayəndələri arasında münasibətlər sülh və mehriban qonşuluqda mühüm amildir.
Paşazadə mükafata görə təşəkkürünü bildirib və patriarx Kirili Azərbaycan xalqının dostu adlandırıb.
O qeyd edib ki, "Ermənistan-Azərbaycan münaqişəsi dövründə Rus Pravoslav Kilsəsinin rəhbəri həmişə ədalət və həqiqətin tərəfində olub".
Qafqaz Müsəlmanları İdarəsinin sədri Rus Pravoslav Kilsəsinə Qarabağ xalçası hədiyyə edib.
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz