Almaniyalı deputat COP29 ərəfəsində azərbaycanlı jurnalistin azad edilməsi tələbi ilə imzatoplama kampaniyası başladıb
Almaniyalı deputat COP29 ərəfəsində Qubad Ibadoglunun azad edilməsi tələbi ilə imzatoplama kampaniyası başladıb
Avropa Parlamentinin Almaniyadan olan deputatı Mixael Bloss məşhur azərbaycanlı alim və ölkənin dövlət tərəfindən nəzarət olunan neft-qaz sektorunun fəal tənqidçisi doktor Qubad İbadoğlunun azad edilməsi tələbi ilə imzatoplama kampaniyası başladıb.
Kampaniya Azərbaycanın bu il COP29 Ümumdünya İqlim Konfransını qəbul etməyə hazırlaşdığı bir vaxtda başladılıb. Korrupsiyaya və avtokratik idarəetməyə qarşı açıq mövqeyi ilə məşhur olan doktor İbadoğlu Azərbaycan hakimiyyəti tərəfindən həbs edilib və hazırda ev dustaqlığındadır. Ürək xəstəliyindən əziyyət çəkməsinə və xaricdə təcili müalicəyə ehtiyacı olmasına baxmayaraq, o, ölkədə həbsdədir.
Blossun müraciətində prezident Əliyev insan hüquq və azadlıqlarının müdafiəçilərinə qarşı repressiyalara son qoymağa çağrılır, doktor İbadoğlunun həbsinin beynəlxalq iqlim konfransını qəbul edən tərəf kimi Azərbaycanın nüfuzuna xələl gətirdiyi vurğulanır. Müraciətdə həmçinin Azərbaycanda bütün siyasi məhbusların dərhal azad edilməsi, ölkədən Rusiya qazının nəqlinə son qoyulması və qlobal iqlim məqsədlərinə uyğun olaraq, Azərbaycanda neft və qaz hasilatının dayandırılması tələb edilir.
“İqlim böhranı kollektiv fəaliyyət və azad ideya mübadiləsini tələb edir”, deyə Bloss bildirib. “Alimləri və fəalları susduran avtoritar addımlar təkcə bizim iqlim dəyişikliyinə qarşı mübarizəmizə mane olmur, həm də əsas insan hüquqlarını pozur”.
Müraciətdə iqlimin və insan hüquqlarının qorunmasının qarşılıqlı əlaqəsi vurğulanır, həmçinin hər ikisinin qorunması üçün beynəlxalq dəstək göstərilməsi çağırışı yer alır.
-
- Cəmiyyət
- 17 Oktyabr 2024 14:36
Siyasət
-
İsrailin müdafiə ordusu Qəzza bölgəsində üç döyüşçünü öldürüb, onlardan biri Fələstinin HƏMAS hərəkatının lideri Yəhya Sinvar ola bilər, bu barədə oktyabrın 17-də İsrail Ordusunun mətbuat xidməti məlumat yayıb.
-
Həbsxanada 65 gündür aclıq edən ictimai fəal, I qrup əlil Famil Xəlilovun səhhəti kəskin pisləşib. Bu barədə Turan-a oktyabrın 17-də saxlanıldığı 1 saylı Bakı İstintaq Təcridxanasının sanitar-tibb hissəsində onunla görüşdən sonra həyat yoldaşı Kiçikxanım Xəlilova bildirib.
-
AŞPA-nın siyasi məhbuslar üzrə baş məruzəçisi Sunna Evarsdottir Azərbaycanda hazırda həbsdə olan Seçkilərin Monitorinqi və Demokratiyanın Tədrisi (SMDT) Mərkəzinin direktoru Anar Məmmədlinin səhhətindən narahatdır.
-
İctimai fəal Nicat İbrahim saxlanıldıqdan sonra öz-özünə böhtan atmağa məcbur edilməsi cəhdləri ilə əlaqədar özünə bədən xəsarəti yetirib. Bu barədə Turan-a onun həyat yoldaşı Pərvin İbrahim bildirib.
Qarabağın bərpası üçün ayrılan vəsaitlərin xərclənməsində şəffaflıq varmı? – Akif Nəsirli Çətin sualda
Xəbər lenti
-
- Cəmiyyət,
- 15:07
- 270
Rəy yaz