Almaniyanın milli bayramı münasibətilə qəbul
Oktyabrın 4-də Almaniyanın Bakıdakı səfirliyi ölkənin milli bayramı – Alman Birliyi Gününün 26 illiyi münasibətilə rəsmi qəbul təşkil edib. Tədbirdə rəsmi şəxslər, deputatlar, diplomatlar, media təmsilçiləri, ictimaiyyət nümayəndələri iştirak ediblər.
Səfir Mixael Kindsqrab öz çıxışında bayramın tarixindən, ölkələr arasında mövcud əlaqələrdən danışıb, gələcəkdə ikitərəfli əməkdaşlığın daha da inkişaf edəcəyinə əminliyini bildirib.
Onun sözlərinə görə, hər iki ölkə iqtisadi sahədə yaxın tərəfdaşdır. “Azərbaycan MDB məkanında ikinci ölkədir ki, orada Almaniya Ticarət Palatası fəaliyyət göstərir. Biz Azərbaycan iqtisadiyyatının inkişafına öz töhfəmizi verməyə hazırıq”, - diplomat vurğulayıb və qeyd edib ki, səfir postunda olduğu müddətdə əlaqələrin genişləndirilməsi üçün səylərini əsirgəməyək.
Tədbirdə çıxış edən Azərbaycan xarici işlər nazirinin müavini Mahmud Məmmədquliyev də Azərbaycan və Almaniya arasında münasibətlərin dinamik şəkildə inkişafını qeyd edib. Onun sözlərinə görə, Azərbaycanda ciddi iqtisadi islahatlar aparılır. “Düşünürəm ki, bu sahədə alman tərəfdaşlarımızla yaxşı əməkdaşlıq edə bilərik. Bu baxımdan hökumətlərarası komissiyanın yaradılması məsələsini nəzərdən keçirmək olar”, - o bildirib.
Diplomat Dağlıq Qarabağ münaqişəsinə də toxunub. O qeyd edib ki, ATƏT-ə sədrliyi çərçivəsində Almaniya münaqişəsinin həlli istiqamətində fəallıq göstərib.-16D04-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz