![Amerikalı seçicilər Tramp və Bayden haqqında](https://turan.az/resized/news/2024/NfFKmZOLGNSSNtaop4uLv866oJTioUwO3NxVSk6Q-750-500-resize.webp)
Amerikalı seçicilər Tramp və Bayden haqqında
Amerikalı seçicilər Tramp və Bayden haqqında
"Əvvəllər amerikalılar seçkilərdə daha fəal idilər, onlar əcdadlarının qazandıqları azadlıqları qiymətləndirirdilər. Təəssüf ki, indi çoxları bunu unutmağa başlayıb". Bu barədə Şimali Karolina ştatında praymeriz zamanı könüllülərdən biri Ren Pricen Turan-ın müxbirilə söhbətində deyib.
Səsverməyə gələn seçicilərdən biri “Bayden, yoxsa Tramp” sualına "Bayden"cavabını verib.
"Trampın gündəliyini və davranışını bəyənmirəm", - o deyib.
“ABŞ Ukraynaya kömək etməlidirmi?” sualının cavabında seçici bunun vacib olduğunu qeyd edib. "Bayden qalib gələrsə, biz Amerikanın aparıcı rolunu təsdiqləməli və ukraynalılara yardımı davam etdirməli olacağıq", - seçici deyib.
Başqa bir seçici Bayden, yoxsa Tramp sualına cavab verib ki, hər iki namizəddən xoşu gəlmir. "Hər ikisi yaşlıdır, seçicilərin ehtiyaclarını daha yaxşı başa düşən gənc liderlər lazımdır. Ancaq onların arasında seçim etsək, Baydenə üstünlük verərdim. Trampa gəlincə, o, lider ola bilməyəcəyini sübut edib. Bizim cəmiyyət çox qütbləşib, amma Bayden adamları birləşdirmək üçün az iş görməyib ", - o qeyd edib.
Digər bir seçici hər iki namizədi bəyənmədiyini söyləyib. Onun fikrincə, Bayden və Tramp ABŞ əhalisinin problemlərini adekvat qiymətləndirmirlər.
Birinci dəfə Tramp çox şey edəcəyini vəd etmişdi, amma heç nə etmədi.
"Mənim Amerikam bir ailədir, amma mən istəmirəm ki, dövlət mənə necə yaşamağı, öz uşağımı necə tərbiyə etməyi mənə öyrətsin, mənim pullarıma nəzarət etsin", - seçici deyib.
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz