Amnesty International: Hakimiyyət Rüfət Səfərovu dərhal azad etməlidir

Amnesty International Şərqi Avropa və Mərkəzi Asiya üzrə direktor Mari Strazers azərbaycanlı hüquq müdafiəçisi Rüfət Səfərovun həbsinə reaksiya verərək bildirib:

"Rüfət Səfərovun uydurma dələduzluq və xuliqanlıq ittihamları ilə həbsi Azərbaycan hakimiyyətinin ölkədəki özgəfikirliləri susdurmaq üçün yorulmaz səylərinin daha bir bariz nümunəsidir. Rüfət Səfərovun özbaşına saxlanılması hüquq müdafiəçilərinin işini pozmağa, ölkədə insan hüquqları ilə bağlı vəziyyətin monitorinqinə mane olmağa və hakimiyyətə həqiqəti söyləməyə cəsarət edən hər kəsi qorxutmağa yönəlib. Təsadüfi deyil ki, bu, COP29-dan, Azərbaycana beynəlxalq diqqətin zəifləməsindən dərhal sonra baş verib.

"Azərbaycan hakimiyyəti Rüfət Səfərovu dərhal azad etməlidir, çünki o, sadəcə, öz hüquqlarının dinc yolla həyata keçirilməsinə görə saxlanılıb.

Hakmiyyət ölkədəki hər bir insanın hüquqlarına, o cümlədən ifadə və birləşmə azadlığı hüququna hörmət etməli, müdafiə etməli, təşviq etməli və əməl etməlidir. Hüquq müdafiəçilərinin və hökumət tənqidçilərinin təqib edilməsi ədalətlilik prinsipini və insan hüquqları sahəsində beynəlxalq standartları pozur".

*Tanınmış hüquq müdafiıçisi Rüfət Səfərov dekabrın 3-də axşam saxlanılıb. Ona qarşı Cinayət Məcəlləsinin 178.3.2 (dələduzluq, külli miqdarda ziyan vurmaqla törədildikdə) və 221.1 (xuliqanlıq) maddələrilə ittiham irəli sürülüb. Təqsirli bilinərsə, onu 10 ilə qədər həbs təhlükəsi gözləyir.

Bundan əvvəl 2015-ci ildə hökuməti tənqid edən bəyanat verdikdən sonra uydurma ittihamlarla doqquz il həbs edilmişdi. O vaxt Zərdab Rayon Prokurorluğunun müstəntiqi idi, sonra istefa verib müxalifətə qoşuldu. 2019-cu ildə əfv edildi və azaldığa buraxıldı.

Rüfət Səfərovun həbsi Azərbaycanda hökumətin fəallarına və tənqidçilərinə qarşı repressiyaların artması fonunda baş verib, Bunu Anar Məmmədli və Qubad İbadoğlu kimi fəalların özbaşına saxlanılması sübut edir.