Amnesty İnternational İlqar Məmmədovun dərhal azad edilməsini tələb edib
Azərbaycan hökuməti beynəlxalq tələblərə riayət etməli və məşhur müxalifətçi İlqar Məmmədovu dərhal azad etməlidir, bu barədə Amnesty İnternational-ın bəyanatında deyilir. Bu bəyanat Avropa Şurası Nazirlər Komitəsinin analoji çağırışından sonra səslənib.
Azərbaycan hakimiyyəti saxta ittihamlarla 7 il müddətinə azadlıqdan məhrum edilmiş Məmmədovun azad edilməsi haqqında çoxsaylı çağırışlara məhəl qoymur. Avropa İnsan Hüquqları Məhkəməsi Məmmədovun heç bir dəlil olmadan saxlanıldığı, həbsinin əsl məqsədinin isə onu susdurmaq və hökumətin tənqidinə görə cəzalandırmaq olduğu haqqında qərar verib.
“Prezident İlham Əliyev Avropa Şurası qarşısında çıxış edərkən ölksində ifadə, birləşmək və toplaşmaq azadlıqlarının təmin edilməsini söyləməyi özünə eyib bilməyib. Bütün bunlar boş sözlərdir, hakimiyyət insanları həbsə atmaqda davam edir və İlqar Məmmədovu azad eməkdən imtina edir”, deyə bəyanada bildirilir.
Vəkil iddia edir ki, Məmmədova həbsxanada daim təzyiq göstərilir ki, o, prezident Əliyevə əvf ərizəsi yazsın. Lakin Məmmədov bundan qəti imtina edir.
* İlqar Məmmədov 4 fevral 2013-cü ildə İsmayıllı şəhərində kütləvi zorakılığa təhrik etmək ittihamı ilə həbs edilib.
O, 7 il müddətinə azadlıqdan məhrum edilib. Lakin 2014-cü ilin may ayında Avropa İnsan Hüquqları Məhkəməsi həbsin Avropa İnsan Hüquqları Konvensiyasına zidd olduğu barədə qərar verib. Məhkəmənin qərarı 13 oktyabr 2014-cü ildə qanuni qüvvəyə minib. Strasburq Məhkəməsi Azərbaycan hökumətinin apellyasiyasını təmin etməyib. Avropa Şurası Nazirlər Komitəsi 4 dekabr 2014-cü ildə onun “təxirə salınmadan” azad edilməsini tələb edib. Bu tələbə məhəl qoyulmayıb. -02D-
-
- Foto sessiyalar
- 14 Mart 2015 14:14
-
- Mədəniyyət
- 14 Mart 2015 14:38
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz