Martın 13-də axşam Rəşid Behbudov adına Mahnı Teatrında Azərbaycan Alpinizm Federasiyasının 50 illiyinə həsr edilmiş tənənətəli tədbir keçirilib.
Son illər ərzində ilk dəfə 3 nəsil alpinistlərin nümayəndələri: hələ 40-cı illərin sonlarında dağları fəth edənlərdən bu gün dağlara çıxan ən gənclərə qədər hamı bir yerə toplaşmışdı.
Gecənin əsas hissəsi Federasiyanın 50 illik yolu, nailiyyətləri, çətinlikləri və problemlərindən bəhs edən “Könlüm dağlardadır” sənədli filminin nümayişi olub.
Film müəllifləri çoxlarının təhlükəli hesab etdiyi və əhəmiyyətini anlamadığı bu idman növünün tarixini, ənənələrini və mənasını göstərməyə çalışıblar.
Görüş zamanı iştirakçılar həlak olmuş və dünyasını dəyişmiş alpinistləri bir dəqiqəlik sükutla yad ediblər.
Alpinizm veteranlarına və Azərbaycanda bu idman növünün inkişafında və dəstəklənməsində nailiyyətləri və xidmətləri olan idmançılara fəxri diplomlar və nişanlar təqdim edilib.
İlk dəfə hələ 1949-cu ildə dağları fəth edən 82 yaşlı Georgi Silkovun çıxışı təsirli olub.
Tədbir gitaranın müşaiyəti ilə ənənəvi alpinist mahnıları olmadan ötüşməyib. Meyxanaçıların çıxışı yeni ənənə olub. Görünür, tarixdə ilk dəfə bu gün alpinizm haqqında meyxana səslənib.
Tədbir yenə yeni ənənə olan repin ifası ilə yekunlaşıb. Bu repi Azərbaycan alpinistlərinin himni adlandırmaq olar.
Tədbiri bağlayan Federasiya prezidenti, idman ustası İsrafil Aşurlu veteranları və bütün digər iştirakçıları təbrik edib, mövcud çətinliklərin və problemlərin qorxulu olmadığına, alpinistlərin onların öhdəsindən gələcəyinə ümid etdiyini bildirib. -02D-
Mədəniyyət
-
İqlim dəyişikliyinin təsirləri getdikcə artan bir dünyada, incəsənət gözlənilməz, lakin güclü bir platforma olaraq ortaya çıxaraq ekoloji məsuliyyət barədə məlumatlandırma və müzakirələrə təkan verir. Bu təşəbbüslərdən biri də hazırda Goethe-Institutun dəstəyi ilə Kapellhausda nümayiş olunan “Başqa bir iqlim növü” adlı sərgidir. Bu sərginin zamanlaması təsadüfi deyil və 11-22 noyabr tarixlərində Bakıda keçiriləcək BMT-nin İqlim Dəyişikliyi üzrə Çərçivə Konvensiyasının Tərəflər Konfransı — COP29 ilə üst-üstə düşür. Sərgi, yerli və beynəlxalq perspektivləri birləşdirərək tamaşaçılara vacib ekoloji məsələlər barədə düşünməyi təklif edir.
-
Şəhərin hərarəti və müasir həyatın səs-küyü arasında, təbiətin də bir səsi olduğunu tez-tez unuduruq. Lakin rəssam Elnarə Nəsirli, "Meşənin Pıçıltısı - Səsin Sehri" adlı son sərgisi ilə təbiətin nəbzini və mesajını bizə xatırlatmaq istəyir. Hazırda "Gazelli Art House"-da nümayiş olunan bu multidisiplinar sərgi izləyiciləri meşənin ürəyinə daha yaxınlaşdırır; hər bir yarpaq xışıltısı, hər bir pıçıltı həyatla dolu görünür.
-
Dünya, təcili ekoloji çağırışlarla üzləşdiyi bir dövrdə, təbii resursların qorunması artıq ölkələri birləşdirən ortaq dəyərə çevrilib. Əvvəllər sadəcə müzakirə mövzusu olan ekoloji mühafizə indi demək olar ki, hər qlobal tədbirin diqqət mərkəzindədir.
-
İqlim dəyişikliyinin sürətləndiyi, qlobal temperaturun artdığı və bir çox növün məhv olduğu bir dövrdə, dünyanın müxtəlif ölkələri ətraf mühiti qorumaq üçün daha təsirli tədbirlər görməyə məcbur olur. Bu artan şüurlanma bir çox ölkəni təbiətin qorunması layihələrinə əhəmiyyətli maliyyə vəsaiti ayırmağa vadar edib. Meşələrin bərpasından heyvanların qorunmasına qədər ekoloji təşəbbüslər artıq inkişaf layihələrinin əsas hissəsinə çevrilib.
Rəy yaz