Fərid Mehralızadə
Apellyasiya Məhkəməsi Fərid Mehralızadənin avtomobilinə qoyulmuş həbsi aradan qaldırmayıb
Noyabrın 4-də Bakı Apellyasiya Məhkəməsində iqtisadçı Fərid Mehralızadənin (“Abzas Media işi” üzrə həbs edilib) avtomobilinə həbs qoyulmasına dair şikayətə baxılıb, vəkil Cavad Cavadov bildirib.
Onun sözlərinə görə, şikayət təmin olunmayıb və məhkəmə Mehralzadənin şəxsi avtomobilinə həbs qoyulması ilə bağlı Xətai Rayon Məhkəməsinin qərarını qüvvədə saxlayıb.
İttiham tərəfi bildirir ki, o, avtomobili "cinayət yolu ilə" əldə etdiyi vəsaitlə alıb.
Mehralızadə bu iddianı rədd edir.
Müdafiə tərəfi sənədlər təqdim edib ki, Mehralızadə kommersiya bankında şöbə müdiri olarkən 3 il ərzində hər il 50 manat gəlir əldə edib, gömrük rəsmiləşdirilməsiilə maşının qiyməti isə 20 min manatdan çox olmayıb.
İqtisadçının xanımı Nərgiz Muxtarova da apellyasiya verərək bildirib ki, avtomobil birgə nikah zamanı alınıb və onun şəxsi gəlirləri buna imkan verib.
* Mehralzadə iyunun 1-də qaçaqmalçılıq ittihamı ilə həbs edilib.
Sonradan ona qarşı digər iqtisadi cinayətlərin törədilməsilə bağlı ittiham irəli sürülüb.
Sentyabrın 6-da Mehralizadənin həbs müddəti dekabrın 19-dək uzadılıb.
O, ittihamları rədd edir və uydurma hesab edir. Hüquq müdafiəçiləri Fərid Mehralızadəni siyasi məhbus kimi tanıyıblar.
Siyasət
-
Azərbaycanda həbs edilmiş tədqiqatçı İqbal Əbilovun 35 yaşının tamam olduğu gün həmkarları və yoldaşları onun işinə diqqət cəlb etmək üçün Avropanın müxtəlif şəhərlərində, o cümlədən Vilnyus, Belqrad, Varşava və Portoda aksiyalar keçiriblər.
-
İbtidai istintaqın yekunlarına görə Kanal-13 İnternet-TV-nin direktoru Əziz Orucova qarşı CM-in 206.3.2-ci (qaçaqlamçılıq, qabaqcadan əlbir olan bir qrup şəxs tərəfindən törədildikdə) maddəsi ilə irəli sürülmüş ittiham ləğv edilib.
-
Bu gün Bakı Ağır Cinayətlər Məhkəməsində ictimai fəal İlhamiz Quliyev barəsində hökm oxunub. Məhkəmə Azərbaycan CM-in 234.4.3-cü (satış məqsədilə külli miqdarda narkotik vasitənin qanunsuz dövriyyəsi) maddəsi ilə ittihamı daha yüngül maddəyə - 234.1-1-ci (satış məqsədi olmadan qanunsuz olaraq narkotik vasitələri və ya psixotrop maddələri xeyli miqdarda əldə etmə, saxlama, hazırlama, emal etmə, daşıma) maddəyə tövsif edib və fəalı üç il müddətinə azadlıqdan məhrumetmə cəzasına məhkum edib.
-
“Azərbaycan Siyasi Məhbuslarına Azadlıq” Birliyi siyasi məhbusların yeni siyahısını dərc edib. Siyahıya görə, bu il sentyabrın 23-dən dekabrın 12-dək Azərbaycanda siyasi məhbusların sayı 17 nəfər artaraq 331 nəfərə çatıb. Belə ki, sentyabrın 23-də 319 nəfərin adı siyahıya daxil edilib. İndiyədək onlardan 5 nəfəri həbsdən azadlığa buraxılıb, daha 17 nəfər həbs edilib.
Rəy yaz