![Aqil Hümbətov əfv siyahısında olmaq istədiyinə görə ağır cəzaya məruz qalıb](https://turan.az/resized/news/2024/c3D9RCmGPkykoX03dAMYFVZayorBjAXXwRnPzhJx-750-500-resize.webp)
Aqil Hümbətov əfv siyahısında olmaq istədiyinə görə ağır cəzaya məruz qalıb
Aqil Hümbətov əfv siyahısında olmaq istədiyinə görə ağır cəzaya məruz qalıb
İyunun 10-da siyasi məhbus Aqil Hümbətovun həyat yoldaşı Aygün Hümbətova 2 saylı cəzaçəkmə müəssisəsi ərinin taleyinə aydınlıq gətirməsə, iyunun 11-də etiraz aksiyası keçirəcəyini bildirib. Elə həmin gün axşam fəal 15 gündə ilk dəfə evə zəng edib. Bu barədə Turan Agentliyinə Aygün Hümbətova bildirib.
Onun sözlərinə görə, digər məhbusların qohumları ona deyiblər ki, Aqil mayda dövlət başçısı tərəfindən əfv olunan şəxslər siyahısında siyasi məhbusların olmamasına etiraz etdiyinə görə karserə salınıb.
Həyat yoldaşının Penitensiar Xidmətə ərinin taleyi haqqında verdiyi sorğuya cavabda ona hər şeyin qaydasında olduğunu deyiblər.
"Dünən Aqil telefonla bildirdi ki, 2 saylı cəzaçəkmə müəssisəsinə gələn əfv komissiyasının üzvləri ilə görüşmək istəyib. Komissiya üzvləri onu qəbul etməyiblər və bu zaman Aqil etirazını bildirib, prezident İ.Əliyevi siyasi məhbusların çəkdiyi əziyyətin günahkarı adlandırıb. O, başqa bir yerə aparılıb. burada bir neçə mühafizəçi onu və daha bir məhbusu döyüb. Daha sonra döyülən şəxslər mərkəzi həbsxana xəstəxanasına aparılıb. Orada onları bir saat beton döşəmədə çılpaq saxlayıblar, bundan sonra Aqili 15 günlük karserə salıblar.
Aqil karserdə 15 gün aclıq edib və yalnız su içib. O, müəssisə rəisindən cəzaçəkmə müəssisəsinə nə vaxt qayıdacağını soruşub, cavab olaraq rəis onun qaytarılması haqqında göstəriş verilmədiyini, yalnız evə zəng edə biləcəyini deyib", deyə A.Hümbətova bildirib.
Penitensiar Xidmətdən iki gündür Turan-ın A.Hümbətovun vəziyyəti və cəzalandırılmasının səbəbi haqqında yazılı sorğusuna cavab vermirlər.
Azərbaycan Xalq Cəbhəsi Partiyasının sədri Əli Kərimli Hümbətovun karserə salınmasını "siyasi fəallara qarşı repressiyaların sərtləşməsinin" göstəricisi adlandırıb.
* Aqil Hümbətov 2021-ci ildə xuliqanlıq məqsədilə qonşusunu yaralamaq ittihamı ilə 10 il müddətinə azadlıqdan məhrum edilib. O, öz təqsirini etiraf etmir və ittihamın saxtalaşdırıldığını, müxalifətin mitinqlərində fəal iştirakına görə cəzalandırıldığını iddia edir.
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz