AŞ Nazirlər Komitəsinin “Demokratiya naminə məruzəçilər qrupu”na daxil olan 10 ölkənin səfirindən ibarət nümayəndə heyəti Azərbaycanda səfərdədir.
Çərşənbə günü onlar ölkənin bir qrup müxalif siyasətçisi ilə görüşüblər.
Görüşdə EL hərəkatının rəhbəri Eldar Namazov, Müsavat Partiyasının lideri İsa Qəmbər, AXCP sədri Əli Kərimli və Liberal Partiyanın sədr vəzifəsini icra edən Əvəz Temirxan iştirak ediblər.
Eldar Namazovun Turan-a verdiyi məlumata görə, prezident seçkiləri ərəfəsində ictimai-siyasi vəziyyət, Azərbaycanın Avropa Şurası qarşısında öhdəliklərini yerinə yetirilməsi, insan hüquqları sahəsində vəziyyət müzakirə olunub.
Namazovun fikrincə, əvvəlki “Aqo” monitorinq qrupunun varisi olan qrup üzvlərinin vəziyyət haqqında kifayət qədər məlumatı var.
“Demokratiya naminə məruzəçilər qrupu”na Avropa Şurası nəzdində Polşa nümayəndəliyinin rəhbəri Ursula Qaçek rəhbərlik edir.
Aprelin 11-də başa çatacaq missiyanın məqsədi 16 oktyabr 2013-cü il prezident seçkiləri ərəfəsində ictimai-siyasi vəziyyətin tədqiqidir. -16D-
Siyasət
-
Bakıdakı Rus Evi ətrafında sosial şəbəkələrdə yayılan dezinformasiyalar Rusiya-Azərbaycan münasibətlərinə xələl gətirmək məqsədi daşıyır.
-
Baş Prokurorluq Bakının Qaradağ, Binəqədi və Xəzər rayonlarında, həmçinin Tərtər rayonunda qanunsuz hasilat aparılması və torpaq sahəsinin qanunsuz zəbt edilməsi faktları üzrə araşdırma aparıb.
-
“Abzas Media” nəşrinin işilə əlaqədar fevralın 11-nə təyin olunmuş növbəti məhkəmə iclası keçirilməyib.
-
Fevralın 11-də prezident İlham Əliyev “Azərbaycan Respublikası hökuməti ilə Rusiya Federasiyası hökuməti arasında “Şimal-Cənub” beynəlxalq nəqliyyat dəhlizi ilə tranzit yük daşımalarının inkişafı məqsədilə əməkdaşlıq haqqında saziş”i təsdiq edib.
Rəy yaz