![AŞPA Monitorinq Komitəsi məruzəçilərinin səfəri](https://turan.az/resized/750/500/resize/media/2015/main/022800108309.jpg)
AŞPA Monitorinq Komitəsi məruzəçilərinin səfəri
AŞPA Monitorinq Komitəsinin Azərbaycan üzrə məruzəçiləri Pedro Aqramunt (İspaniya) və Tadeuş İvinski (Polşa) martın 2-3-də Bakıya səfər edəcəklər.
Avropa Şurasının mətbuat xidmətinin məlumatına görə, səfərin məqsədi Azərbaycanın Avropa Şurası qarşısında öhdəliklərini yerinə yetirməsinin qiymətləndirilməsidir.
Səfər proqramında Azərbaycan prezidenti, PA rəhbəri, parlament spikeri, baş prokuror, MSK sədri, ədliyyə naziri və AŞPA-da Azərbaycan nümayəndə heyətinin üzvləri ilə görüşlər var.
Həmçinin, vətəndaş cəmiyyətinin və beynəlxalq təşkilatların Bakıdakı nümayəndələri ilə görüşlər nəzərdə tutulur.
Bundan başqa, Aqramunt və İvinski siyasi məhbuslara baş çəkmək və onların vəkilləri ilə görüşmək niyyətindədirlər, deyə AŞ-ın mətbuat xidmətindən qeyd ediblər.
Aqramunt konfomist mövqeyi ilə əlaqədar Azərbaycan vətəndaş cəmiyyəti arasında etimad sahibi deyil. AŞPA-nın iyun sessiyasında ona Azərbaycanda siyasi məhbuslar üzrə məruzə hazırlamaq tapşırılıb, amma o, yenə Azərbaycana gəlməyib.
İvinski məruzəçi vəzifəsində digər həmməruzəçi – Maltalı Qrexi əvəz edib.
Polşa parlamentarisi 2010-cu il parlament seçkilərində seçkiləri tənqid edən ATƏT DTİHB missiyasından fərqli olaraq, seçkilərə kifayət qədər yumşaq qiymət verən AŞPA müşahidə missiyasının üzvü olub. -06D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz