AŞPA prezidenti Ann Brasser Azərbaycan hüquq müdafiəçilərinin ona təqdim etdiyi siyasi məhbuslar siyahısını ölkə rəhbərliyinə verib. Bu barədə o, bugünki mətbuat konfransında bildirib.
“Biz prezident İlham Əliyevə və parlamentin spikeri Oqtay Əsədova siyahı təqdim etdik. Bu siyahıda azad edilməsini istədiyimiz şəxslərin adları var”, deyə Brasser bildirib.
O, hüquq müdafiəçilərinin vahid siyahını razılaşdıra bilməsindən məmnunluğunu ifadə edib.
Brasser bildirib ki, hələ bir neçə həftə əvvəl o, ReAl hərəkatının həbsdə olan lideri İlqar Məmmədovla görüşmək imkanı verilməsi xahişi ilə Azərbaycan hakimiyyətinə müraciət edib.
O qeyd edib ki, hələlik ona icazə verilməyib. Bununla belə, Brasser əlavə edib ki, Məmmədov azad edilməsə, o, bir daha Azərbaycana gələcək.
Brasser həmçinin qeyd edib ki, Avropa İnsan Hüquqları Məhkəməsi Məmmədovun işi üzrə qərar qəbul edib. O, Məmmədovun azadlığa çıxacağına ümid etdiyini bildirib.
Səfərinin məqsədləri haqqında danışan Brasser qeyd edib ki, missiya Bakıda AŞPA Bürosunn və Daimi Komitəsinin iclaslarında iştirakla bağlıdır. Bu tədbirlər Azərbaycanın AŞ Nazirlər Komitəsində sədrliyi ilə əlaqədar Bakıda keçirilib.
O, Azərbaycanın AŞ konvensiyalarının əksəriyyətini təsdiq etməsini alqışlayıb.
Brasser Azərbaycanın ərazi bütövlüyünə AŞPA qətnamələrdə əvvəllər ifadə edilmiş dəstəyi təsdiq edib. “Təşkilatımızın üzvü olan dövlətlərin ərazi bütövlüyünün dəstəklənməsi bizim dəyərimizdir”, deyə Brasser bildirib.
Bununla belə, Brasser Azərbaycanda insan hüquqları, toplaşmaq və ifadə azadlıqları sahəsində problemlər olduğunu qeyd edib.
Və bununla əlaqədar olaraq o, ölkənin AŞ qarşısında öhdəliklərinin yerinə yetirilməsi üçün daha böyük işlər görülməsinə ehtiyac olduğunu vurğulayıb.
O, həmçinin AŞPA vitse-prezidentinin, Fransa nümayəndə heyətinin rəhbəri Rene Rukenin vizasının geri alınmasını tənqidə məruz qoyaraq, bunu AŞPA üzvlərinin assambleya tədbirlərində iştirak üçün sərbəst yerdəyişməsi haqqında Paris Protokolunun pozuntusu adlandırıb.
Bu qərar Rukenin Azərbaycanın işğal edilmiş ərazilərinə səfəri ilə əlaqədar qəbul edilib. -06B-
Siyasət
-
Azərbaycanın xarici işlər naziri Ceyhun Bayramov, Türkiyənin Bolu vilayətinin Kartalkaya dağ-xizək kurortunda mehmanxanada baş vermiş faciəvi yanğından sonra, bazar ertəsi Türkiyənin xarici işlər naziri Hakan Fidana başsağlığı verib.
-
Yanvarın 22-də Səbail Rayon Məhkəməsində “dövlətə xəyanətdə” təqsirləndirilən gənc tədqiqatçı Bəhruz Səmədovun ev dustaqlığına buraxılması ilə bağlı vəsatətə baxılıb.
-
Yanvarın 22-də vəkil Zibeydə Sadıqova 1 saylı Bakı İstintaq Təcridxanasında jurnalist Fərid İsmayılova baş çəkib. İsmayılov yanvarın 17-də “Toplum” TV-nin işi üzrə həbs edilib. O, istintaqa hələ 2024-cü ilin martında cəlb edilib. O zaman polis nəzarətinə verilmişdi.
-
Fevralın 3-də Bakı Ağır Cinayətlər Məhkəməsində ictimai fəal Nicat İbrahimin işi üzrə proses başlayacaq. Bu qərarə çərşənbə günü hazırlıq iclasında hakim Aygün Qurbanova qəbul edib.
Rəy yaz