L.Yunus: O, istintaq qrupu yox, cinayətkarlardır

Hüquq müdafiəçiləri Leyla Yunus və Mirvari Qəhrəmanlı cümə günü RATİ-də tanınmış jurnalist R.Mirqədirovun həbsilə başlanan “casus işi” ətrafında baş verənlərlə bağlı mətbuat konfransı keçiriblər.

Leylıa Yunus bu cinayət işini bütünlükdə uydurma adlandırıb. Bu məsələyə görə yaradılan istintaq qrupunu “cinayətkar” adlandırıb. Bu istintaq qrupunun “NİDA”çıların və QHT rəhbəri Anar Məmmədlinin işini apardığını bildirib.

Konkret olaraq, hüquq müdafiəçisi Mətanət Əzizovanın ölkəni tərk eməsinə gəlincə, Leyla Yunus buna görə məsuliyyəti öz üzərinə götürüb. “M.Əzizova cinayət törətməyib, ölkəni tərk etməməsi haqda məhkəmə qərarı yoxdur və ölkəni tərk etməklə də hər-hansı cinayətə yol verməyib”, - deyə L.Yunus M.Əzizovanın ölkədən çıxmasının tam qanuni olduğunu söyləyib. O, ölkədə olarkən M.Əzizovanın istintaq tərəfindən 8-10 saat dindirildiyini, hansısa sənədlərə qol çəkməsi üçün təzyiqlərə məruz qoyulduğunu açıqlayıb. Buna görə də ölkədən çıxarıldığını ifadə edib. “M.Əzizova ölkədən qaçmayıb, istintqadan gizlənməyib, o, heç bir halda bu istintaqa ifadə verməyəcək, çünki, ortada hər-hansı cinayət yoxdur, odur ki, bu istintaq özü əsassızdır”, deyə L.Yunus bildirib. L.Yunus bu qərarı hüquq müdafiəçilərinin hüquqularını müdafiə edən “Front-Line” Beynəlxalq Hüquq Müdafiə Təşkilatının üzvü kimi verdiyini nəzərə çatdırıb.

L.Yunus bu günlərdə M.Əzizovanın əri Eldar və oğlu Camal Əzizovların ölkədən çıxmalarına izn verilməməsini L.Yunus kobd qanun pozuntusu adlandırıb.  

“Bu şəxslər barəsində məhkəmə qərarı yoxdur, onların adları danışılan cinayət işində hallanmır, niyə görə onlara ölkədən çıxmaq qadağası qoyulur?”, - deyə L.Yunus mövqeyini ifadə edib. Bunu ölkə prokurorluğunun Ağır Cinayətlərə dair İstintaq İdarəsinin etdiyi qeyd olunur. Amma ölkə prokurorluğunun belə səlahiyyətə malik  olmadığı xatırladılır. L.Yunusa görə ölkə prokurorluğu bu yolla M.Əzizovanı ölkəyə qaytara bilmək üçün oğlunu və həyat yoldaşını girova çevirib. “Əgər bu yolla M.Əzizovanın qaytarılacağna ümid edirlərsə, bu, əbəsdir” - deyə L.Yunus M.Əzizovanın ölkəyə dönməyəcəyini bəyan edib. L.Yunus mayın 23-dən etibarən M.Əzizovanın ailə üzvlərinin hüquqlarını müdafiəsi üçün kampaniyaya başlayacağını da nəzərə çatdırıb.

L.Yunus eyni zamanda R.Mirqədirovun işilə bağlı istintaqa çağırılan şəxslərə və jurnalistlərə tövsiyələr verib. Qeyd edib ki, ifadə verdikdən sonra ifadəni gizli saxlayacaqları haqda sənədi imzalamasınlar, daha sonra istintaqda hansı ifadəni verdiklərini açıqlasınlar. L.Yunus bu addımın nə vaxtsa R.Mirqədirovun işilə bağlı lazım olacağı ilə əlaqələndirib.

M.Əzizovanın vəkili Samirə Ağayeva Eldar və Camal Əzizovar mayın 22-də sərhəddə saxlanıldığını deyib. Sərhəddə bu yasağın prokurorluğun istintaq idarəsi tərəfindən qoyulduğu bildirilib. S.Ağayeva müstəntiqlərlə danışıb, müstəntiqlər vəkilə belə hüquqları olmadığını deyiblər. Vəkil bu işlə bağlı Dövlət Sərhəd Xidmətini məhkəməyə verəcəklərini bəyan edib.

M.Əzizovanın anası, hüquq müdafiəçisi Mirvari Qəhrəmanlı övladlarının, nəvəsi və kürəkəninin həyatının təhlükədə olduğu həyəcanı ifadə edib. Ailə üzlərinə bağlı hər-hansı xoşagəlməz hal olaraq buna görə məsuliyyətin rəsmi Bakının üzərində qalacağı xəbərdarlığı edib. M.Qəhrəmanlı istintaqa aidiyyatı olmasa da evinin, bağ evinin sənədlərinin, nəvəsinin şəxsi notbookunun hələ də qaytarılmamasını hüquq-mühafizə orqanlarının oğurluğu adlandırıb. Nəvəsinin kompüterinin qaytarılmaması üzündən imtahana hazırlaşmasında problemlər yarandığını nəzərə çatdırıb. -05C-