Parlamentin vitse-spikeri Bahar Muradova çərşənbə günü ATƏT DTİHB-nin direktoru Mixael Linki qəbul edib, xəbəri Milli Məclisin mətbuat xidməti yayıb.
Mənbənin məlumatına görə, Muradova Bakıda ATƏT və onun müvafiq qurumları ilə əməkdaşlığa böyük əhəmiyyət verildiyini bildirib.
Daha sonra o deyib ki, bu münasibətlər “beynəlxalq aləmdə mövcud reallıqlara” əsaslanmalıdır.
Onun sözlərinə görə, ATƏT-in bir çox dəyərləri Azərbaycanda “bərqərar olub”, Bakı isə “bu illər ərzində üzərinə götürdüyü öhdəliklərə sadiq qalıb”.
Daha sonra o, ATƏT-in müxtəlif institutları tərəfindən Azərbaycanda seçkilərin monitorinqinin nəticələrinin bir-birindən fərqlənməsi ilə bağlı narazılığını bildirib, onun sözlərinə görə, bu, “təşkilatın nüfuzuna mənfi təsir göstərir”.
Öz növbəsində, Mixael Link ATƏT DTİHB-nin seçkilərin monitorinqi üzrə fəaliyyətinin müəyyən prinsip və standartlara əsaslandığını qeyd edib. Onlar obyektiv qiymət verilməsi məqsədilə bütün fikirlərin nəzərə alınmasını, bütün müşahidələrin və faktların təhlilini nəzərdə tutur.
Bu məsələ ATƏT DTİHB və AŞPA nümayəndələrinin görüşlərində müzakirə olunub. Bu il Azərbaycanda keçiriləcək parlament seçkilərinin monitorinqi məhz bu şəkildə aparılacaq, deyə Link qeyd edib. -02D-
Siyasət
-
“Müdafiə Xətti” hüquq müdafiə təşkilatının həbsdə olan icraçı direktoru Rüfət Səfərovun anası Tahirə Tahirqızının ölkədən çıxışına qadağa qoyulduğu bildirilir.
-
Yanvarın 15-də Tbilisi Apellyasiya Məhkəməsi Gürcüstanda ekstradisiya məqsədi ilə barəsində həbs qətimkan tədbiri seçilmiş Azərbaycanın Azel.TV saytının rəhbəri Əfqan Sadıqovun Azərbaycana ekstradisiya olunması ilə bağlı Tbilisi Şəhər Məhkəməsinin qərarından şikayətə baxacaq.
-
25 dekabrda Qazaxıstanda qəzaya uğramış Azərbaycanın Embraer təyyarəsinin qara qutuları hazırda Brasiliyada beynəlxalq bir təşəbbüs çərçivəsində təhlil olunur ki, bu da 38 nəfərin həyatına son qoyan qəzanın səbəbini müəyyən etmək məqsədi daşıyır, bu barədə O Globo 2 yanvarda xəbər verib. Braziliya Hərbi Hava Qüvvələri davam edən araşdırmanın, Braziliya tədqiqatçılarından üçü də daxil olmaqla həmçinin Azərbaycan və Rusiya nümayəndələrinin də iştirak etdiyi bu araşdırmanın hələ də müəyyən bir bitmə tarixi olmadığını elan etmişdir, lakin hakimiyyətlər tez nəticələrə ümid edirlər.
-
Dekabrın 25-də Qroznı yaxınlığında AZAL təyyarəsinin qəzaya uğraması ilə bağlı istintaq qismən məxfiləşdirilib. Bu barədə şənbə günü VChK OGPU teleqram kanalı məlumat yayıb.
Rəy yaz