ATƏT-in fəaliyyətdə olan sədri Azərbaycan və Ermənistanın xarici işlər nazirlərilə danışıb

Bakı/11.01.22/Turan: Yanvarın 10-da ATƏT-in fəaliyyətdə olan sədri, Şimali Makedoniyanın xarici işlər naziri Bujar Osmani Azərbaycan və Ermənistanın xarici işlər naziri Ceyhun Bayramov və Ararat Mirzoyanla telefonla danışıb.

Tərəflər Laçın dəhlizinə xüsusi diqqət yetirməklə Cənubi Qafqazdakı vəziyyəti müzakirə ediblər, ATƏT-in mətbuat xidməti bildirib.

Osmani qeyd edib ki, Laçın dəhlizi ətrafında vəziyyəti diqqətlə izləyir. O bunun mülki əhalinin gündəlik həyatına təsirindən narahatlığını ifadə edib və tərəfləri gərginliyi azaltmağa, konstruktiv və məhsuldar dialoq aparmağa çağırıb.

Osmani ATƏT-in alətlər dəstinin bir hissəsi kimi Ermənistan və Azərbaycan arasında etimadın yaradılması və münasibətlərin normallaşdırılması tədbirlərinin yerlərdə adamlara təsir edən davamlı problemlərin aradan qaldırılması üçün əsas elementlər olduğunu qeyd edib. qiymətləndirib.

Bu kontekstdə ATƏT-in fəaliyyətdə olan sədri gərginliyin aradan qaldırılmasına köməkdə və davamlı sülh istiqamətində səylərə töhfədə şəxsən iştirak etməyə hazır olduğunu bildirib. O deyib ki, Ermənistan və Azərbaycana ayrı-ayrılıqda səfərlər edəcək, ATƏT-in məlumatında deyilir.

Öz növbəsində, Azərbaycan Xarici İşlər Nazirliyinin mətbuat xidmətin bildirib ki, Bayramov hazırkı vəziyyət, Azərbaycanın Ermənistanla münasibətlərin normallaşdırılması istiqamətində atdığı addımlar, Yerevanın sülh müqaviləsi üzrə danışıqlara yaratdığı maneələr barədə Osmanini məlumatlandırıb.

Əsasən Ermənistan Laçın yolu ilə qanunsuz mineral resurslar daşıyıb, regiona mina göndərib, Laçın yolundan üçüncü ölkə vətəndaşlarının qanunsuz keçməsi üçün istifadə edib.

Bayramov regionun erməni sakinlərinin "blokadada" olması ilə bağlı iddiaların əsassız olduğunu qeyd edib, çünki Laçın yolu ilə mülki əhalinin maneəsiz keçidi təmin edilir. 16B