ATƏT-in Minsk Qrupu Qarabağda həlak olanların cəsədlərini çıxarmağa imkan verməyə çağırır
ATƏT-in Qarabağ nizamlanması üzrə Minsk Qrupunun həmsədrləri İqor Popov (Rusiya), Stefan Viskonti (Fransa) və Riçard Hogland (ABŞ) həlak olanların cəsədlərinin çıxarılmasını təmin etməyə çağırıblar. Bu barədə bazar günü ATƏT-in mətbuat xidmətinin yaydığı məlumatda deyilir.
"ATƏT-in MQ həmsədrlərinin Ermənistan və Azərbaycan müdafiə nazirliklərindən, habelə digər mənbələrdən əldə etdikləri məlumata görə, fevralın 25-də səhər tezdən təmas xəttində atəşkəs rejimi ciddi şəkildə pozulub, bu da insan tələfatına səbəb olub. Bəzi cəsədlər neytral ərazilərdə qalıb", deyə sənəddə bildirilir. Tərəflər gərginlikdə bir-birini ittiham edirlər.
Həmsədrlər tərəfləri təmas xətti yaxınlığında yerləşdirilmiş ağır hərbi texnikanı əvvəlki mövqelərə qaytarmağa və şənbə günü ATƏT-in fəaliyyətdə olan sədrinin şəxsi nümayəndəsi səfir Andjey Kaspşikin vasitəçiliyi ilə razılaşdırıldığı kimi, cəsədlərin təxliyəsini təmin etməyə çağırır.
Həmsədrlər həmçinin tərəflərə bütün öhdəliklərini yerinə yetirməsi - güc tətbiqindən yayınması zərurətini xatırladırlar, deyə ATƏT-in Minsk Qrupu həmsədrlərinin bəyanatında bildirilir.
Fevralın 25-nə keçən gecə eyni zamanda iki istiqamətdə - Xocavənd və Füzuli istiqamətində düşmən Azərbaycan mövqelərinə hücum etməyə cəhd edib.
Azərbaycan ordusunun cavab tədbirləri nəticəsində erməni birləşmələri geri çəkiliblər.
Bir neçə Azərbaycan hərbiçisinin cəsədi neytral ərazidə qalıb. -06D-
-
- Siyasət
- 27 Fevral 2017 09:47
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz