Fevralın 26-da İlham Əliyev Qətərə rəsmi səfərə yola düşüb. Elə həmin gün Əliyevin "Qatar Petroleum"un prezidenti və icraçı direktoru Saad Şerida əl-Kaabi ilə görüşüb.
Tərəflər “Qatar Petroleum”un gələcəkdə Xəzər dənizində və ya SOCAR-ın digər ölkələrdə həyata keçirdiyi layihələrdə Azərbaycan ilə birgə iştirakı məsələləri ətrafında fikir mübadiləsi aparıblar, bu barədə rəsmi məlumatda deyilir.
Əliyev həmçinin Al Faisal Holding şirkətinin rəhbəri Faisal bin Qassim bin Faisal Al Tani ilə danışıqlar aparıb. Söhbət zamanı ticarət və investisiya sahələrində əməkdaşlığın perspektivləri müzakirə olunub. Faisal bin Qassim tezliklə nümayəndə heyətinin tərkibində Azərbaycana səfər edəcəyini bildirib.
Qeyd edək ki, Qətər səfərində İlham Əliyevi SOCAR prezidenti və vitse-prezidenti və Azərbaycan Dövlət Neft Fondunun rəhbəri müşayiət edir.
Danışıqların iştirakçılarının hansı layihələr haqqında danışdığı bildirilmir. Amma söhbətin maliyyələşdirilməsi böyük investisiyalar tələb edən TANAP və TAP layihələrindən getdiyini ehtimal etmək olar. Qətərin Avropaya ən böyük qaz tədarükçülərindən biri olduğunu nəzərə alsaq, onun bu layihələrdə, habelə Xəzərdə qaz hasilatında iştirakı məntiqli görünür. -02D-
Siyasət
-
Azərbaycanda həbs edilmiş tədqiqatçı İqbal Əbilovun 35 yaşının tamam olduğu gün həmkarları və yoldaşları onun işinə diqqət cəlb etmək üçün Avropanın müxtəlif şəhərlərində, o cümlədən Vilnyus, Belqrad, Varşava və Portoda aksiyalar keçiriblər.
-
İbtidai istintaqın yekunlarına görə Kanal-13 İnternet-TV-nin direktoru Əziz Orucova qarşı CM-in 206.3.2-ci (qaçaqlamçılıq, qabaqcadan əlbir olan bir qrup şəxs tərəfindən törədildikdə) maddəsi ilə irəli sürülmüş ittiham ləğv edilib.
-
Bu gün Bakı Ağır Cinayətlər Məhkəməsində ictimai fəal İlhamiz Quliyev barəsində hökm oxunub. Məhkəmə Azərbaycan CM-in 234.4.3-cü (satış məqsədilə külli miqdarda narkotik vasitənin qanunsuz dövriyyəsi) maddəsi ilə ittihamı daha yüngül maddəyə - 234.1-1-ci (satış məqsədi olmadan qanunsuz olaraq narkotik vasitələri və ya psixotrop maddələri xeyli miqdarda əldə etmə, saxlama, hazırlama, emal etmə, daşıma) maddəyə tövsif edib və fəalı üç il müddətinə azadlıqdan məhrumetmə cəzasına məhkum edib.
-
“Azərbaycan Siyasi Məhbuslarına Azadlıq” Birliyi siyasi məhbusların yeni siyahısını dərc edib. Siyahıya görə, bu il sentyabrın 23-dən dekabrın 12-dək Azərbaycanda siyasi məhbusların sayı 17 nəfər artaraq 331 nəfərə çatıb. Belə ki, sentyabrın 23-də 319 nəfərin adı siyahıya daxil edilib. İndiyədək onlardan 5 nəfəri həbsdən azadlığa buraxılıb, daha 17 nəfər həbs edilib.
Rəy yaz