James Warlick

James Warlick

Vaşinqton/20.10.18/Turan: Qarabağ nizamlanması üzrə danışıqlarda ABŞ-ın keçmiş təmsilçisi Ceyms Uorlik Vaşinqtonu Dağlıq Qarabağda inam tədbirləri üzrə səylərin artırılmasına çağırıb.

"Mən indiki administrasiyada Dağlıq Qarabağ məsələsinə hər hansı marağın olduğunu görmürəm", - C.Uorlik Turan-ın Vaşinqton müxbirilə söhbətində deyib.

Rusiyanın aparıcı şirkətlərindən biri sayılan "Yeqorov, Puqinski, Afanasyev və tərəfdaşları" şirkətində siyasət məsələləri üzrə baş müşavir olan Uorlik qeyd edib ki, ABŞ-ın Minsk Qrupundakı hazırki nümayəndəsi Endrü Şeferin indiyədək digər həmsədrlər kimi səfir rütbəsi yoxdur.

Qarabağ münaqişəsində Rusiyanın roluna toxunan Uorlik deyib ki, o hesab etmir ki. münaqişəni həll etməyə yalnız Moskva qadirdir. "Hətta sabah Moskva qərara alsa ki, münaqişəni həll etmək lazımdır, hesab etmirəm ki, bu, o qədər də asan olar".

Eyni zamanda nizamlanmada ilk növbədə Moskva maraqlıdır, ölkənin aktiv hərbi proseslərin getdiyi cənub sərhədlərində sabitliyin olmaması baxımından belədir.

"Belə bir geniş fikir yayılıb ki, əslində Moskva Qarabağ münaqişəsinin nizamlanmasında maraqlı deyil. Lakin 2016-cı ilin aprelində vəziyyət kəskinləşəndə Moskva və Vaşinqton mizamlanma üçün əsas ola biləcək planın hazırlanmasından ötrü birlikdə yaxşı iş apardılar. Həmin ideyalar hələ də masa üzərindədir. Bu nizamlanma Rusiyanın xarici işlər naziri Lavrovun təklif etdiyi variantdan az fərqlənir", - bildirib.

"Moskva nizamlanma prosesini ləngidirmi, çünki Kreml əslində münaqişəni həll etmir" sualına Uorlik mənfi cavab verib.

"Əgər sülh əldə olunarsa, regionda hamı bundan faydalanar", - o vurğulayıb.

"Rusiya hansı məqsədlə həm bu, həm də digər münaqişə tərəfinə silah verir" sualının cavabında Uorlik deyib ki, hər kim tərəfindən olur-olsun Ermənistana və Azərbaycana silah satışını dəstəkləmir.

"Lakin Ermənistan və Azərbaycanın hərbi imkanlarının təxmini ekvivalentini təmin etmək üçün razılaşdırılmış səylər tətbiq edilməlidir, həm də təkcə Rusiya tərəfindən yox. Əgər bu, olmasa müharibə təhlükəsi böyük olacaq.

Bundan əlavə, danışıqlar prosesi siyasi və ya diplomatik dalana dirənərsə müharibə riski artar. Belə olan halda tərəflərdən biri hərbi hərəkətlərə əl atacaq".

"Qarabağ münaqişəsinin həllindən ötrü Moskvanın Qərblə yaxşı münasibətdə olması vacibdirmi?"

Uorlik bu sualın cavabında işarə edib ki, bu faktorun əhəmiyyəti yoxdur.

"Biz Rusiya ilə daha əlverişli şəraitdə işləyə bilərdik. Hesab edirəm ki, Moskvada müəyyən inam tədbirlərinin dəstəklənməsinə maraq var".

Keçmiş həmsədr Vaşinqton və Moskvanı "inamın möhkəmləndirilməsi, xalq diplomatiyası kimi indi nail oluna biləcək tədbirlər üzərində birgə işləməyə çağırıb".

"Eyni zamanda düşünürəm ki, Dağlıq Qarabağda sülhməramlı qüvvələrin necə olacağı barədə müzakirələrə başlamaq lazımdır. Belə diskussiya olmayıb", - C.Uorlik qeyd edib.-25B-

Rəy yaz

Siyasət

Sərhəddə gərginlik. Sülh danışıqları, yoxsa yenidən qarşıdurma? – Cəsur Məmmədov Çətin sualda



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti