Avropa azərbaycanlıları demokratik düşərgəni birliyə çağırıb

Avropada yaşayan azərbaycanlıların Milli Birlik Şurası (MBŞ) Azərbaycanda bütün narazı elektoratı öz ətrafında biləşdirə biləcək Milli Şuranın (MŞ) yaradılmasını dəstəkləyən bəyanatla çıxış edib. 

Bəyanatda 2013-cü il prezident seçkilərində Azərbaycanı 40 ildən çoxdur ki, idarə edən Əliyevlər rejiminə son qoymaq üçün əlverişli şəraitin yarandığı bildirilir. İqtidarın bütün maliyyə və zor aparatını əlində cəmləşdirdiyi nəzərə çatdırılır. Buna qarşı güc qoymalı olan demokratik düşərgənin dağınıq və pərakəndə fəaliyyət göstərdiyi qeyd edilir. Ölkədə hakimiyyət dəyişikliyinə nail olmaq üçün geniş xalq kütlələrinin birliyini yaratmağın zərurətə döndüyü vurğulanır və buna alternativ olmadığı xatırladılır.      

Avropa Azərbaycanlılarının Milli Birlik Şurası Rüstəm İbrahimbəyovun irəli sürdüyü Milli Şura layihəsini qarşıdakı prezident seçkilərində xalqın bütün narazı təbəqələrini birləşdrən bir format adlandırır. Bu layihəni dəstəklədiklərini bəyan edirlər. 

Müəlliflər demokratik düşərgəni gerçək olaraq Milli Şuranı qurmağa, Şura daxilində vahid namizədi müəyyən etməyə, bu yöndə bütün səyləri birləşdirərək demokratik seçki keçirməyə çağırırlar. -05D-