Avropa Azərbaycanlıları Milli Birlik Şurası mühacirləri Rüstəm İbrahimbəyovla avqustun 2-də Azərbaycana qayıtmağa çağırır

Avropa Azərbaycanlıları Milli Birlik Şurası Avropada yaşayan mühacirləri Demokratik Qüvvələrin Milli Şurasının prezidentliyə vahid namizədi Rüstəm İbrahimbəyova dəstək olmağa və avqustun 2-də onunla bir yerdə Azərbaycana dönməyə çağırır. Bu barədə Avropa Azərbaycanlıları Milli Birlik Şurasının müraciətində deyilir. 

Avropa Azərbaycanlıları Milli Birlik Şurası hesab edir ki, mühacirlər bu addımı ilə dünyanın diqqətini bir daha Azərbaycanda baş verən ədalətsizliklərə, mövcud şər qüvvələrə diqqəti cəlb edər, qarşıdan gələn prezident seçkilərinin azad, obyektiv və şəffaf keçirilməsi istiqamətində azca da olsa töhfə vermiş olar. 

“Bu müraciət siyasi motivlərdən dolayı qürbətdə mühacir həyatı yaşayan bacı və qardaşlarımızdır. Hər birinizi bir daha bu müraciətə qoşulmağı və Rüstəm İbrahimbəyovla bir yerdə bu ilin avqustun 2-də Azərbaycana qayıtmağa çağırırıq. Vətən bizim haqqımızdır. Şər qüvvələrin ölüm də daxil olmaqla, heç bir təhdidi bizdən bu haqqı ala bilməz”, deyə sənəddə qeyd edilir. -03D-