![Açiq mənbələrdən foto.](https://turan.az/resized/media/2022/main/060900046622-750-500-resize.webp)
Açiq mənbələrdən foto.
Avropa İnsan Hüquqları Məhkəməsi Azərbaycandan 4 iş üzrə qərarları elan edib
Bakı/09.06.22/Turan: İyunun 9-da Avropa İnsan Hüquqları Məhkəməsi Azərbaycan üzrə 4 qərarını elan edib. Bu qərarlar mülkiyyət, işgəncəyə məruz qalmamaq, azadlıq və toxunulmazlıq, ədalətli məhkəmə araşdırması hüququnun pozuntusu iddiaları ilə bağlıdır. Bu barədə Avropa İnsan Hüquqları Məhkəməsinin Azərbaycan üzrə qərarlarının monitorinqini aparan aihmaz.org saytı məlumat yayıb.
Adil Dadaşov və Tural Hacıbəylinin (Müsavat Partiyasının üzvləri) işində Avropa Məhkəməsi Avropa İnsan Hüquqları Konvensiyasının azadlıq və toxunulmazlıq (maddə 5.1) və ədalətli məhkəmə araşırması hüququnun (6.1 və 6.3) pozulmasını tanıyıb.
Ərizəçilər əsassız inzibati həbsdən şikayətləniblər. Avropa İnsan Hüquqları Məhkəməsi əriziəçilərin hər birinə mənəvi zərərə görə 4000 avro verolməsini qərara alıb. Hacıbəyliyə əlavə olaraq hüquqi məsrəflərə görə 500 avro ödənilməlidir.
"Əliyevlər Azərbaycana qarşı" işi üzrə Avropa məhkəməsi ərizəçilərin şəxsi həyata hörmət hüququna müdaxilənin baş verdiyi qənaətinə gəlib. Hökumət ərizəçilərə mənəvi zərərə və məsrəflərə görə, ümumilikdə 7094 avro təzminat ödəyəcək.
"Cümşüd Bayramov Azərbaycana qarşı" işi üzrə məhkəməyə qədər həbsin qanunsuzluğu mübahisələndirilib və tərəflər dostca anlaşıblar. Anlaşmaya əsasən hökumət ərizəçiyə 3500 avro ödəyəcək.
"Əlikram Xurşidov Azərbaycana qarşı" işi üzrə Müsavat Partiyasının fəalı məhkəməyə qədər həbsinin qanunsuzluğunu iddia edib. Avropa İnsan Hüquqları Məhkəməsi hökumətin ərizəçiyə 3500 avro ödəməyə hazır olmasına nəzərə alaraq, ərizə baxılacaq işlərin siyahısından çıxarılıb. -03-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz