Bakı/22.01.19/Turan: Avropa İttifaqı nümayəndə heyəti, ADA Universiteti və ASAN radio Avropa və Avropa İttifaqı haqqında "AvropadASAN" birgə proqramının ASAN Radioda 3-cü mövsümünün başlandığını bildirməkdən məmnundur. Bu barədə Aİ-nin Azərbaycan missiyasının məlumatında bildirilir.
Proqramda məqsəd Azərbaycan Respublikası və Avropa arasında qarşılıqlı anlaşma körpüsünün qurulmasıdır.
"AvropadASAN" birsaatlıq radioproqramdır, özündə Avropadan təhsil, informasiya, əyləncəli xəbərləri və musiqini birləşdirir. Proqram Avropa İttifaqında mədəniyyət, təhsil, səyahət, musiqi haqqında ən son tendensiyalara dair xəbərləri əhatə edir. Buraya həmçinin Avropaya gələnlər və ya sakinlər, artistlər, ifaçılar, biznesmenlər, həmçinin Avropada yaşamış azərbaycanlılar ilə müsahibələr daxildir.
"AvropadASAN" Azərbaycanda baş verən Avropa mədəniyyət hadisələrindən xəbərdar olmağa imkan yaradır. Proqram Aİ ölkələrinin səfirlikləri ilə tərəfdaşlıq şəraitində qarşıdakı konsertlər, sərgilər, kinofestivallar, müsabiqələr və Aİ nümayəndəliyi ilə Avropanın Azərbaycandakı səfirlikləri tərəfindən təşkil edilən digər təntənəli tədbirlər haqqında məlumat verir.
"AvropadASAN"ın yeni mövsümünün ilk buraxılışı yanvarın 23-də saat 19:00 -dan 20:00-dək 100FM radio tezliyində efirə gedəcək. Proqram hər çərşənbə günü yayımlanacaq.-0-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz