Yerevan/04.09.13/Turan-Armİnfo: Avropa İttifaqı rəsmi Yerevandan Ermənistanın Rusiyanın təşəbbüsü olan Gömrük İttifaqına (Gİ) daxil olmaq qərarı ilə bağlı rəsmi izahat gözləyir. Bu barədə sentyabrın 4-də Aİ diplomatiya rəhbərinin nümayəndəsi Ketrin Eşton bildirib.
“Biz Ermənistan tərəfdən izahat gözləyirik və sonradan biz bunun hansı nəticələri olacağını qiymətləndirə bilərik”, deyə Aİ-nin xarici işlər və təhlükəsizlik üzrə ali nümayəndəsi Ketrin Eştonun mətbuat katibi Maya Kosyançiç bildirib, xəbəri RİA Novosti yayıb.
2013-cü ilin noyabrında Vilnyusda Avropa İttifaqı rəhbərliyinin və Aİ-nin “Şərq Tərəfdaşlığı” proqramının iştirakçısı olan ölkələrin liderlərinin sammiti keçiriləcək. Sammitdə bir neçə ölkə, o cümlədən Ermənistan ilə assosiasiya haqqında sazişin və “Dərin və hərtərəfli azad ticarət zonası haqqında” sazişin paraflanması gözlənilir.
Lakin sentyabrın 3-də RF prezidenti Vladimir Putinlə danışıqlardan sonra Ermənistan lideri Serj Sarkisyan ölkəsinin Gömrük İttifaqına daxil olmaq qərarını açıqladı.
Bu qərarla bağlı şərh verən Ermənistan politoloqu Aleksandr İskəndəryan bildirib ki, təhlükəsizlik sahəsində Rusiyadan asılılıq Ermənistanı manevr etmək imkanlarından məhrum edir.
Bu arada, bu gün Ermənistan prezidentinin Yerevandakı iqamətgahı yaxınlığında Gömrük İttifaqına daxil olmaya qarşı etiraz aksiyası keçirilir, üç iştirakçı polis bölməsinə aparılıb.
Toplaşanlar bildirirlər ki, Rusiya tərəfindən yaradılmış qurum mahiyyətcə SSRİ-nin bərpası cəhdi deməkdir. Nümayiş iştirakçıları etiraz əlaməti olaraq “SSRİ” dondurmaları, habelə boyunlarına saldıqları pioner qalstuklarını xatırladan qırmızı salfetlə gəliblər. Onlar prezidentin istefasını tələb edirlər.
Etiraz aksiyasında müxalif “İrs” partiyasının nümayəndəsi David Sanasaryan da iştirak edir. O, jurnalistlərə bildirib ki, onlar qeyri-legitim prezidentə təkbaşına qərar qəbul etməyə və Ermənistanın suverenliyini təhlükə altına qoymağa imkan verməyəcəklər.
Qeyd edək ki, aksiya iştirakçıları yolu keçərək bilavasitə iqamətgah binasına yaxınlaşmağa çalışıblar, onlarla polis arasında qarşıdurma baş verib. Nəticədə üç aksiya iştirakçısı, o cümlədən Sanasaryan müvəqqəti həbsə məruz qalıb. -02D-
Siyasət
-
Azərbaycan hökumətindəki mənbələr cümə axşamı Euronews-a çərşənbə günü AZAL-ın təyyarəsinin Aktauda qəzaya uğramasına Rusiyanın "yer-hava" tipli raketin səbəb olduğunu eksklüziv olaraq təsdiq ediblər.
-
Avropa Şurasının baş katibi Alen Berse "Azərbaycan Hava Yolları"nın təyyarəsinin Qazaxıstanda çox sayda insanın həlak olmasına səbəb olan faciəvi qəzası ilə əlaqədar başsağlığı verib və dərin kədərini ifadə edib.
-
Aktauda təyyarəmizin qəzaya uğraması bir neçə suala cavab tələb edir: 1. Bu qəzada həlak olanların çoxları əvvəllər qatar və ya avtonəqliyyat vasitəsi ilə Şimali Qafqaza gedən şəxslərdir. Azərbaycan illərdir quru sərhədlərini bağlı saxlamasaydı, bu qurbanlar olmaya bilərdi.
-
NATO "Azərbaycan Hava Yolları"na məxsus sərnişin təyyarəsinin Qazaxıstanın Aktau şəhəri yaxınlığında qəzaya uğraması ilə əlaqədar başsağlığı verib. Bu barədə Alyansın mətbuat katibi Fərəh Daxlallah "X" hesabında paylaşım edib.
Rəy yaz