Ölkənin etiraz elektoratının birliyi olan Milli Şuranın vahid namizədi, professor Cəmil Həsənli çərşənbə günü ATƏT-in Azərbaycanda seçkiləri müşahidə missiyasının rəhbərliyi və üzvlərilə görüş keçirib. Bu haqda Turan-a prezidentliyə namizədin özü bildirib.
C.Həsənli qeyd edib ki, müşahidə missiyasını Azərbaycanda seçki prosesinə bağlı bütün məqamlar maraqlandırıb. Belə ki, müşahidə missiyasının təmsilçiləri prezidentliyə namizədə ölkədə seçki mühiti, seçki qanunvericiliyi, seçki komissiyaları, seçki qanunvericiliyinə beynəlxalq qurumların verdikləri tövsiyələrin nəzərə alınıb-alınmaması ilə bağlı suallar veriblər. Prezidentliyə namizəd sualları ətraflı cavablandırıb.
Görüş Müsavat Partiyasının ofisində keçirilib. -05B-
Siyasət
-
Qazaxıstanın Mangistauski rayonunda yerləşən məhkəmə, blogger Azamat Sarsenovu Aktau şəhərində Embraer 190 sərnişin təyyarəsinin qəzasının baş verdiyi yeri çəkdiyi üçün 10 günlük həbs cəzasına məhkum edib. Bu qərar məhkəmənin mətbuat xidməti tərəfindən təsdiqlənib, RBC-nin məlumatına görə.
-
AZAL-a məxsus sərnişin təyyarə qəzasında həlak olanların ailələrinə 40 min manat ödəniləcək.
-
Dekabrın 26-da Ramzan Kadırov Çeçenistan Təhlükəsizlik Şurasının katibi vəzifəsini tutan qardaşı oğlu Xamzat Kadırovu “Çeçenistan Respublikası qarşısında xidmətlərinə görə” medalı ilə təltif edib.
-
"Təyyarə Rusiya ərazisində, Qroznı səmasında vurulub. Bunu inkar etmək qeyri-mümkündür", - bunu yerli və beynəlxalq medialarda mənbələrə istinadən Bakı-Qroznı marşrutu üzrə hərəkət edən "Azərbaycan Hava Yolları"nın təyyarəsinin Rusiya havadan hücum müdafiə sistemləri tərəfindən vurulması ilə bağlı xəbərini Turana şərh edərkən deputat Rasim Musabəyov deyib.
Rəy yaz