Avropa İttifaqının Cənubi Qafqaz üzrə xüsusi nümayəndəsi XİN-də qəbul edilib
Avropa İttifaqının Cənubi Qafqaz üzrə xüsusi nümayəndəsi XİN-də qəbul edilib
22 fevral 2024-cü il tarixində Azərbaycan Respublikasının xarici işlər naziri Ceyhun Bayramov Avropa İttifaqının Cənubi Qafqaz üzrə xüsusi nümayəndəsi Toivo Klaarı qəbul edib.
XİN-in məlumatına görə, görüşdə tərəflər Azərbaycan-Avropa İttifaqı əlaqələrinin cari vəziyyətini, Azərbaycanla Ermənistan arasında normallaşma prosesinin və sülh sazişi layihəsi perspektivlərini müzakirə ediblər.
Nazir Bayramov uzun sürən sabitlikdən sonra heç bir təhrikedici amil olmadan snayper atəşi nəticəsində Azərbaycan hərbi qulluqçusunun yaralanması ilə nəticələnən Ermənistan təxribatının sülh prosesinə zərbə vurmaq məqsədi daşıdığını diqqətə çatdırıb.
Sülh sazişi layihəsinə gəldikdə, Azərbaycanın növbəti şərhlərinin Ermənistan tərəfinə təqdim edildiyi və ölkənin bu istiqamətdə danışıqlar prosesinin başlamasında maraqlı olduğu diqqətə çatdırılıb. Bununla yanaşı, Ermənistanın Konstitusiyasında, qanunvericilik aktlarında, beynəlxalq təşkilat və məhkəmələrdə Azərbaycanın ərazi bütövlüyü və suverenliyinə qarşı davam edən iddialar bir daha xatırladılıb və bu iddiaların qəbuledilməz olduğu vurğulanıb.
Görüşdə tərəflər qarşılıqlı maraq doğuran ikitərəfli və regional məsələlər ətrafında fikir mübadiləsi aparıb.
Siyasət
-
Çərşənbə axşamı Binəqədi Rayon Məhkəməsi birinci qrup əlil Famil Xəlilovun ev dustaqlığına köçürülməsi haqqında vəsatəti təmin etməyib.
-
Martın 14-də Bakıda Azərbaycan Milli QHT Forumunun onuncu qurultayı keçirilib.
-
Mayın 14-də Gürcüstan parlamenti Tbilisidə bir aydır davam edən etirazlara səbəb olan xarici agentlər haqqında qanun layihəsini üçüncü və yekun oxunuşda qəbul edib. 84 deputat sənədin lehinə, 30 deputat isə əleyhinə səs verib. Səsvermə zamanı müxalif deputatlar və hakim partiyadan olan deputatlar arasında dava düşüb.
-
Azərbaycanın xarici işlər nazirləri Ceyhun Bayramov və Ukraynanın Dmitri Kuleba bazar ertəsi telefon danışığı zamanı ölkələri arasında nəqliyyat, enerji və humanitar sahələrdə əməkdaşlığın gücləndirilməsini müzakirə ediblər. Müzakirələr zamanı Azərbaycan ilə Ukrayna arasında strateji tərəfdaşlıq və tarixi əlaqələr vurğulanıb.
Rəy yaz