Şeyx Paşazadə Amerikanın Sterlinq Fondunun nümayəndə heyətini qəbul edib

Fevralın 22-də şeyxülislam Allahşükür Paşazadə Amerikanın Sterlinq Fondunun prezidenti Edvard Rounun başçılıq etdiyi nümayəndə heyətini qəbul edib.

Paşazadə Sterlinq Fondunun Azərbaycanın işğaldan azad olunmuş ərazilərinin minadan təmizlənməsi əməliyyatlarında iştirakını yüksək qiymətləndirib.

Nümayəndə heyətinin üzvü, Yuta ştatının Mormonsk kilsəsinin din xadimi Paşazadəyə təmsil etdiyi kilsənin Azərbaycanda qeydiyyatı prosesi haqqında məlumat verib. Onun sözlərinə görə, Yuta ştatının dini icması Azərbaycanla dini əlaqələrin dərinləşdirilməsində maraqlıdır.

Paşazadə mayda keçiriləcək, Mormonsk kilsəsinin nümayəndələrinin də dəvət olunduğu Mədəniyyətlərarası Dialoq Forumu haqqında məlumat verib.

O, həmçinin bildirib ki, noyabrda Azərbaycanda keçiriləcək COP29 çərçivəsində dünya dini liderləri iqlim dəyişiklikləri məsələlərinə mənəvi qiymət vermək üçün Bakıda toplaşacaqlar. Bu barədə Qafqaz Müsəlmanları İdarəsinin press-relizində deyilir.