Avropa parlamenti �Landromant� çərçivəsində siyasətçilərin ələ alınmasını pisləyib
Bakı/28.11.17/Turan: Bu gün Brüsseldə Avropa parlamenti komitəsinin iclasında "Sloveniya və Azərbaycanda pulların yuyulması" mövzusunda dinləmələr keçirilib.
Əsasən müzakirələr avropalı siyasətçilərin və müxtəlif sahələri təmsil edən xadimlərin Azərbaycan hakimiyyəti tərəfindən ələ alınması faktlarına aid olub.
"Landromant" adlanan böyük qalmaqal avropalı deputatların diqqətini cəlb edib. Onlar rəsmi Bakının siyasətçiləri ələ almaq praktikasını pisləyiblər.
"Ələ almaqda məqsəd avropalıların dəstəyini qazanmaq və insan hüquqlarının pozulmasına və korrupsiyaya görə Bakıya qarşı tənqidlərə yol verməməkdir", - bu araşdırmanın müəllifləri, OCCRP-dən (Organization of Crime and Corruption Reporting Projects) jurnalistlər bildiriblər.
Avropalı deputatlar Bakının və pul naminə hakimiyyətlə əməkdaşlıq edən, rəsmi Bakının öz vətəndaşlarına qarşı amansız münasibətinə göz yuman həmkarlarının hərəkətlərindən hiddətləniblər.
OCCRP jurnalist qrupunun nümayəndəsi Bakının korrupsiyanı Avropa Şurasına "ixrac etmək" və burada öz lobbisini yaratmaq cəhdlərini "təhlükəli hal" adlandırıb.
O qeyd edib ki, Azərbaycandan pul alanların hamısının adları açıqlanmayıb.
Öz növbəsində Transparency International təşkilatının nümayəndəsi bildirib ki, Azərbaycanın 4 dövlət orqanından 6000-dən çox köçürmənin əsas hissəsi Qərbə Böyük Britaniyada yaradılan dörd saxta şirkətin vasitəsilə daxil olub.
O qeyd edib ki, bankların fəaliyyətinə nəzarəti gücləndirmək, daha çox şəffaflığa nail olmaq, korrupsiyaya qarşı mübarizə baxımından pul vəsaitlərinin mənşəyi haqda hesabat verməyə məcbur etmək lazımdır.
Avropalı deputatlar bu cür halların və "avtoritar rejimlər"in maraqlarının lobbiləşdirilməsinin qarşısının alınması üçün avropalı məmurların məsuliyyətinin artırılmasının vacibliyini bildiriblər. -02B-
-
- Cəmiyyət
- 28 Noyabr 2017 18:30
-
- İqtisadiyyat
- 29 Noyabr 2017 10:45
Siyasət
-
Bu gün “Toplum” İnternet televiziyasının əməkdaşı Cavid Ramazanov Bakı Şəhər Baş Polis İdarəsinə aparılıb.
-
Milli Məclisin sədri Sahibə Qafarova Monteneqroya rəsmi səfəri çərçivəsində bu ölkənin prezidenti Yakov Milatoviç ilə görüşüb.
-
Cümə günü ABŞ qanunvericilərinin ikipartiyalı qrupu insan hüquqlarının pozulmasına, o cümlədən siyasi müxalifətə zorakı repressiyalara görə Azərbaycanın yüksək vəzifəli məmurlarına qarşı sanksiyaların tətbiqini nəzərdə tutan qanun layihəsini təqdim edib, Turan-ın Vaşinqton müxbiri bildirib.
-
Cümə günü Janna Şahin və Cim Rişin rəhbərliyilə bir qrup amerikalı senator (12 həmkar) Gürcüstanın baş nazirinə məktub göndərib. Onlar öz maliyyələşməsinin 20 faizdən çoxunu xarici donorlardan aldığı təqdirdə qeyri-hökumət təşkilatlarını və müstəqil KİV-i "xarici agent" kimi qeydiyyatdan keçməyə məcbur edəcək qanun layihəsindən çox narahat olduqlarını bildiriblər. Turan-ın Vaşinqton müxbiri məumat verib.
Rəy yaz