Avropa Parlamentinin iki üzvü – Siyasi Komitənin üzvləri Ulrike Lunaçek və Verner Şults Azərbaycan prezidentinə, parlamentin spikerinə və XİN rəhbərinə məktub göndərərək ölkədə azadlıqların boğulmasını dayandırmağa çağırıblar.
Biz böyük narahatlıqla müxalifətçilərin həbsi, QHT-lərin və siyasi partiyaların fəaliyyətinə qanunverici məhdudiyyətlər, hətta Azərbaycanda treninqlərin keçirilməsinə qadağalarla bağlı son siyasi hadisələri böyük narahatlıqla izləyirik”, - məktubda deyilir.
Deputatlar Müsavat Partiyasının sədr müavini Tofiq Yaqublunun və “Real” hərəkatının lideri İlqar Məmmədovun adlarını çəkərək onların həbsini siyasi motivli adlandırırlar.
Onlar həmçinin fevralın 12-13-də Xaçmazda xarici trenerlərin iştirakı ilə keçirilən treninq iştirakçılarının saxlanması faktından hiddətləndiklərini bildiriblər. Bu tədbir Avropa demokratik seçkilər platformasının beynəlxalq layihəsi çərçivəsində həyata keçirilib.
Bu hallardan başqa dinc aksiya iştirakçılarının həbsləri, toplantılara qadağaların qoyulması və vətəndaş cəmiyyəti fəallarının təqib edilməsi barədə çoxsaylı məlumatlar daxil olur.
2002-ci il aprelin 15-də Azərbaycan Avropa İnsan Hüquqları Konvensiyasına daxil olub. Bu sənəd toplaşma və ifadə azadlığına təminat verir.
“Biz Azərbaycan hökumətini və parlamentini ifadə və toplaşma azadlığı sahəsində mütərəqqi islahatlar aparmaq üçün siyasi iradə göstərməyə çağırırıq ki, bu da qarşıdakı seçkiləri nəzərə almaqla çox vacibdir.
Biz sizi İlqar Məmmədovu və Tofiq Yaqublunu, həmçinin həbsdə olan digər jurnalistləri və siyasi məhbusları dərhal azad etməyə, siyasi opponentlərə təqiblərə son qoymağa çağırırıq.
Biz belə başa düşürük ki, Azərbaycanın gələcəyi Avropa İttifaqı ilə inteqrasiyada və yaxın əməkdaşlıqdadır. Ümumi gələcək üçün baza ümumi dəyərlər, demokratiya, qanunun aliliyi, söz və KİV azadlığıdır – bu, Şərq Tərəfdaşlığı proqramının əsas dəyərləridir və kağız üzərində yazılan sözlər olmamalı, həyata keçirilməlidir”, - məktubda deyilir.-02D-
Siyasət
-
"Azərbaycan və Ermənistandan olan bir qrup hidroloq və mühəndis bizim fəal dəstəyimizlə transsərhəd çaylar üçün inteqrasiya olunmuş su idarəçiliyi sxemi üzərində birgə işləyir", bu barədə noyabrın 12-də ABŞ-ın Azərbaycandakı səfiri Mark Libbi X sosial şəbəkəsindəki hesabında yazıb.
-
Prezident Baydenin administrasiyasının səlahiyyət müddətinin başa çatdığı nəzərə alınmaqla, dövlət katibi Entoni Blinken avropalı həmkarları ilə Ukraynanı necə dəstəkləyə biləcəklərini müzakirə etmək üçün Brüsselə təcili səfərə yola düşür.
-
Bakı Şəhər İcra Hakimiyyətinin. Baçğşçısı Eldar Əzizov bu il oktyabrın 22-də güclü yağışlar nəticəsində yol keçidlərini, tunelləri və çoxsaylı küçələri sel basması ilə baglı bildiribki, yağışlar nəticəsində kanalizasiya xətləri sel sularını götürə bilməyib.
-
ABŞ bərpa olunan enerji mənbələrinə keçiddə Azərbaycan da daxil olmaqla, bütün ölkələrə kömək etməyə hazırdır. Bu barədə COP29 çərçivəsində keçirilən brifinqdə ABŞ-ın İqlim məsələləri üzrə milli müşaviri Ali Zaidi neft və qazdan təmiz enerji növlərinə keçiddə ABŞ-ın Azərbaycana necə kömək edə biləcəyi haqqında Turan-ın sualına cavabda bildirib.
Rəy yaz