2014-cü il üçün Andrey Saxarov adına “Fikir azadlığı uğrunda” mükafatının lauretatı konqolu həkim-ginekoloq Deni Mukveqe olub. DW məlumat verib. Oktyabrın 21-də Avropa Parlamentinin fraksiya rəhbərləri onun namizədliyinə yekdilliklə səs veriblər. Bu barədə Avropa Parlamentinin sədri Martin Şults bildirib.
59 yaşlı Mukveqe tanınmış cərrah və ginekoloqdur, zorakılıq qurbanlarının müalicəsi ilə məşğul olur. Konqo Demokratik Respublikasının Bukavu şəhərində ixtisaslaşdırılmış xəstəxana təsis edib.
Mükafatın finalçıları arasında Ukraynanın “Avromaydan” hərəkatı və azərbaycanlı hüquq müdafiəçisi Leyla Yunus da olub.
M.Şultsun sözlərinə görə, noyabrın 26-da Strasburqda keçiriləcək 50 min avro dəyərində mükafatın verilməsi mərasiminə “Avromaydan” nümayəndələri dəvət olunacaqlar.
Bununla yanaşı Avropa Parlamentinin nümayəndə heyəti Azərbaycana gələcək və Saxarov mükafatının digər finalçısı, iyulun 30-dan həbsdə olan Leyla Yunusla görüşəcək, ona dəstəyini ifadə edəcək.—06D--
Siyasət
-
Bu gün dərc edilmiş milli müəyyənləşdirilmiş töhfələr üzrə ümumiləşdirici hesabat məyusedicidir, lakin təəccüblü deyil. Bu barədə Birləşmiş Millətlər Təşkilatının İqlim Dəyişmələri üzrə Çərçivə Konvensiyasının katibi Simon Stilin bazar ertəsi yayılmış bəyanatında deyilir.
-
Bazar ertəsi Bakı Ağır Cinayətlər Məhkəməsi "Müsəlman Birliyi" Hərəkatının üzvü Həsən Abbaszadəni üç il müddətinə azadlıqdan məhrum edib.
-
Oktyabrın 28-də prezidenti İlham Əliyev Pakistan İslam Respublikası Birləşmiş Qərargah Rəisləri Komitəsinin sədri general Sahir Şamşad Mirzanı qəbul edib.
-
Oktyabrın 28-də Bakıda “Enerji təhlükəsizliyi və iqlim dəyişikliyi üzrə Azərbaycan-NATO əməkdaşlığı” mövzusunda “dəyirmi masa“ keçirilib.
Rəy yaz