![Avropa Parlamentinin üzvləri Ketrin Eştonu Azərbaycanda siyasi repressiyalara son qoyulmasını tələb etməyə çağırıblar](https://turan.az/resized/750/500/resize/media/2012/main/071700005527.jpg)
Avropa Parlamentinin üzvləri Ketrin Eştonu Azərbaycanda siyasi repressiyalara son qoyulmasını tələb etməyə çağırıblar
Avropa Parlamentinin altı üzvü Aİ xarici siyasət və təhlükəsizlik məsələləri üzrə ali komissarı Ketrin Eştona məktub göndərib.
Deputatlar K.Eştonun 26 iyun tarixli bəyanatını alqışlayıblar. O, bəyanatda Azərbaycan hakimiyyətini vətəndaşların siyasi motivlərlə təqib olunması faktlarına son qoymağa çağırıb.
Eyni zamanda deputatlar qeyd edirlər ki, “Eurovision” dan sonra Azərbaycan hakimiyyəti siyasi opponentlərə təzyiqləri artırıb və siyasi motivli həbslər praktikasını davam etdirir.
Buna misal kimi RATİ-nin fotoreportyoru Mehman Hüseynova qarşı cinayət işinin qaldırılması, “Tolışi sado” qəzetinin redaktoru Hilal Məmmədovun həbsi göstərilib.
Məktubda xatırladılır ki, iyunun 26-da Avropa Şurasının Hüquq Məsələləri və İnsan Hüquqları Komitəsi Azərbaycan hakimiyyətini təxminən 80 siyasi məhbusun problemini həll etməyə və gələcəkdə bu cür həbslərə yol verməməyə çağıran qətnamə qəbul edib.
“Biz Azərbaycan hakimiyyətindən vətəndaşların siyasi motivlərlə təqib olunması praktikasına dərhal son qoyulmasını, Avropa Şurasının üzvü kimi öz ölkəsinin bu sahədə öhdəliklərini təmin etməsini tələb edirik”, - məktubda deyilir.-02D-
-
- Cəmiyyət
- 17 İyul 2012 12:20
-
- Sual-cavab
- 17 İyul 2012 13:53
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz