Avropanın ilk Olimpiya oyunları Azərbaycanda keçirilə bilər

Azərbaycan 2015-ci ildə Avropanın ilk yay Olimpiya oyunlarının keçirilməsi üçün əsas namizəddir.

Reyter agentliyinin məlumatına görə, dekabrın 8-də Romada Avropa Olimpiya Komitəsinin (AOK) qırx birinci Baş Assambleyası dünyanın əsas idman yeniliyi barədə qərar verəcək. Əlavə yarışların əsas rəqibi Avropa Yüngül Atletika Assosiasiyasıdır. 

AOK prezidenti Patrik Hikkinin fikrincə idman ilk növbədə Köhnə Dünya ölkələrini birləşdirməlidir. Noyabrın 13-də Bakıda səfərdə olan Hikki şəxsən ölkənin funksional hazırlığından əmin olub və dekabrın 8-də AOK-un baş assambleyasının iclasında onun namizədliyini dəstəkləyəcək.

Demək olar ki, 50 milli komitə Olimpiya və digər idman növləri üzrə Avropa oyunlarının keçirilməsində maraqlı olduqlarını bildiriblər və təxminən bu qədər şəxs Avropa oyunlarının keçirilməsinə hazır olduğunu bildirib.

Hikki açıqlayıb ki, yarışlar 15 idman növü üzrə keçiriləcək, onlardan 12-si olimpiya, üçü isə qeyri-olimpiya oyunudur. “Biz böyük Olimpiya oyunlarını təqlid etmək istəmirik, Avropanın xüsusiyyətlərini əks etdirəcək yarışlar keçirmək istəyirik”.

İlk Avropa Olimpiya oyunlarının 2015-ci ildə keçiriləcəyi gözlənilir. İndi artıq Aziada, Ümumafrika oyunları, Panamerika oyunları keçirilir, xəbəri olimpikgames.ucoz yayıb.  -17D-