Gilmo: Qarabağla bağlı qərar konsensus əsasında qəbul edilməlidir
Dağlıq Qarabağ münaqişəsinin nizamlanması üzrə qərar konsensus əsasında qəbul edilməlidir, bu barədə cümə günü Dublində ATƏT XİN Şurası iclasının yekunlarına həsr edilmiş mətbuat konfransında təşkilatın fəaliyyətdə olan sədri, İrlandiya XİN rəhbəri Eymon Gilmor bildirib. “ATƏT-in bu məsələdəki mövqeyi ondan ibarətdir ki, həddindən artıq çox uzanan münaqişə tərəflərin iştirakı ilə danışıqlar əsasında tənzimlənməlidir. Söhbət artıq formalaşdırılmış prosesdən, ATƏT-in Minsk Qrupunun fəaliyyətindən gedir, biz isə bu fəaliyyəti dəstəkləyəcəyik və bu danışıqlarda tərəflərə kömək edəcəyik”, deyə Gilmor bildirib.
O qeyd edib ki, ATƏT-də İrlandiyanın sədrliyi dövründə Dublində bir neçə tədbir keçirilib, bu tədbirlərdə ölkə Şimali İrlandiya üzrə sülh prosesi ilə bağlı təcrübəsini bölüşüb. “Şadam ki, İrlandiyanın sədrliyi ərzində Dnestryanı nizamlanma üzrə irəliləyiş əldə olunub”, deyə Gilmor bildirib.
ATƏT baş katibi Lamberto Zanyer Dağlıq Qarabağ nizamlanmasında iki əsas aspekti vurğulayıb. Birincisi danışıqlar çərçivəsində siyasi prosesin dəstəklənməsi, habelə həmsədrlərin ATƏT tərəfindən dəstəklənən təşəbbüsləri. İkinci aspekt “hadisələrin yerində inkişafı ilə bağlıdır”. Bu mənada o, il ərzində atəşkəs rejiminin pozulmasını “təhlükəli” adlandırıb.
ATƏT baş katibi qeyd edib ki, “tərəflərə çox təkliflər olunub, lakin bu və ya digər səbəbdən tərəflər onları qəbul etməkdə çətinlik çəkib. Bu, xüsusən münaqişənin təmas xəttindən snayperlərin çəkilməsi, ATƏT daimi nümayəndəsinin səlahiyyətlərinin genişləndirilməsi və s. olub.
O, tərəfləri fəal dialoqa və Minsk Qrupu həmsədrləri ilə əməkdaşlığa çağırıb. -04C-
-
- Siyasət
- 8 Dekabr 2012 11:01
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz