AXCP fəalı polis bölməsində döyülüb
Xalq Cəbhəsi Partiyasının (AXCP) həbsdə olan üzvü Elnur Həsənov fiziki təzyiqə məruz qalıb.
AXCP-dən Turan-a verilən məlumata görə, Bakı İstintaq Təcridxanasında saxlanılan Həsənov yanvarın 25-də Bakının Xətai Rayon Polis İdarəsinə aparılıb.
"Orada 4 polis əməkdaşı onu səbəbsiz olaraq döyüb. Növbəti gün o, İstintaq Təcridxanasına qaytarılıb", deyə AXCP-dən bildiriblər.
Vəkil Nemət Kərimli bildirib ki, müdafiə tərəfi prokurorluğa şikayət verəcək. DİN-dən şərh almaq mümkün olmayıb.
Həsənov noyabrın 28-də qanunsuz narkotik dövriyyəsi (CM-in 234.4.3-cü mad.) ittihamı ilə həbs olunub. O, ittihamı təkzib edir və hesab edir ki, həbsinin əsl səbəbi yol polisinin hərəkətlərini tənqid etməsidir.
Siyasət
-
Yanvarın 22-də Səbail Rayon Məhkəməsində “dövlətə xəyanətdə” təqsirləndirilən gənc tədqiqatçı Bəhruz Səmədovun ev dustaqlığına buraxılması ilə bağlı vəsatətə baxılıb.
-
Yanvarın 22-də vəkil Zibeydə Sadıqova 1 saylı Bakı İstintaq Təcridxanasında jurnalist Fərid İsmayılova baş çəkib. İsmayılov yanvarın 17-də “Toplum” TV-nin işi üzrə həbs edilib. O, istintaqa hələ 2024-cü ilin martında cəlb edilib. O zaman polis nəzarətinə verilmişdi.
-
Fevralın 3-də Bakı Ağır Cinayətlər Məhkəməsində ictimai fəal Nicat İbrahimin işi üzrə proses başlayacaq. Bu qərarə çərşənbə günü hazırlıq iclasında hakim Aygün Qurbanova qəbul edib.
-
Yanvarın 23-də Azərbaycan Talışları İctimai Şurasının üzvü Hilal Məmmədov Dövlət Təhlükəsizliyi Xidmətinə çağırılıb. O, Turan-a bildirib ki, bu gün Dövlət Təhlükəsizliyi Xidməti Nizami rayon şöbəsinin əməkdaşları Dövlət Təhlükəsizliyi Xidmətinin Baş İstintaq İdarəsinin bildirişini ona gətiriblər.
Rəy yaz