Tehran Abdullayev
AXCP fəalı "polisin fotoşəklini çəkdiyinə görə" həbs olunub
Azərbaycan Xalq Cəbhəsi Partiyasının (AXCP) Suraxanı rayon şöbəsinin fəalı Tehran Abdullayev Daxili İşlər Nazirliyinin İnzibati Həbs Olunanların Saxlanma Məntəqəsində saxlanılır. Bu barədə vəkil Nemət Kərimli oktyabrın 21-də onunla görüşdükdən sonra bildirib.
Vəkilin sözlərinə görə, Abdullayev saxlanılmasının siyasi fəaliyyəti ilə bağlı olduğunu bildirib.
"Oktyabrın 15-də tikinti materialları mağazasından material alarkən polis əməkdaşı ona yaxınlaşaraq niyə onun fotosunu çəkdiyini soruşub. Abdullayev material aldığını və heç kimin şəklini çəkmədiyini, mağazada isə hər hansı polis əməkdaşı olmadığını deyib.
Buna baxmayaraq, polis əməkdaşları onu saxlayaraq Nəsimi Rayon Polis İdarəsnin 20-ci Polis Bölməsinə aparıblar və Nəsimi rayon Məhkəməsi 20 sutka inzibati həbsə məhkum edib. Abdullayev hətta İnziabati Xətalar Məcəlləsinin hansı maddəsi ilə ona qarşı ittiham irəli sürüldüyünü belə bilmir", deyə vəkil qeyd edib.
Kərimli Nəsimi Rayon Məhkəməsinin qərarından şikayət verəcəyini deyib.
AXCP-dən Turan Agentliyinə bildiriblər ki, fəalın saxlanıldığını yalnız oktyabrın 18-də öyrəniblər, çünki onun ailə üzvlərinə hadisə haqqında məlumat verməsinə icazə verməyiblər. DİN fəalın aqibəti haqqında sorğuya hələ cavab verməyib.
Siyasət
-
Gürcüstan müxalifətinin dünən Tbilisidə Azadlıq meydanında keçirilən mitinqində azərbaycanlı fəal Samirə Bayramova etnik Gürcüstan azərbaycanlılarını parlament seçkilərində Avrointeqrasiyanın tərəfdarı olan müxalifətə səs verməyə çağırıb.
-
İlham Əliyev Sultan Qasımovun Rusiya Federasiyasının Sankt-Peterburq şəhərində Azərbaycan Respublikasının baş konsulu vəzifəsindən geri çağırılması haqqında sərəncam imzalayıb. Sənədin mətni dövlət başçısının saytında dərc edilib.
-
Əslən azərbaycanlı olan yeddi İsrail vətəndaşı İranın xeyrinə casusluqda ittiham olunur. Bu barədə oktyabrın 21-də ŞABAK - İsrailin əks-kəşfiyyat idarəsi məlumat yayıb. Casusların cinayətkar fəaliyyəti iki ilə yaxın davam edib. Bu müddət ərzində pul müqabilində 600 tapşırıq yerinə yetirilib. Şübhəli şəxslər hərbi bazaların, o cümlədən oktyabrın 1-dəki hücum zamanı zərbə endirilən bazaların şəkillərini çəkiblər.
-
Çərşənbə axşamı Azərbaycanın xarici işlər naziri Ceyhun Bayramov ABŞ prezidentinin xüsusi köməkçisi və Milli Təhlükəsizlik Şurasının Avropa üzrə baş direktoru Maykl Karpenterin rəhbərlik etdiyi nümayəndə heyəti ilə görüşüb.
Rəy yaz