![AXCP fəalı tələblərinin yerinə yetiriləcəyinə söz verildikdən sonra aclığı dayandırıb](https://turan.az/resized/news/2024/xAJIUFAxloksZJaYd3JoHQV1fpzPbqzAdHrAvJAZ-750-500-resize.webp)
AXCP fəalı tələblərinin yerinə yetiriləcəyinə söz verildikdən sonra aclığı dayandırıb
AXCP fəalı tələblərinin yerinə yetiriləcəyinə söz verildikdən sonra aclığı dayandırıb
Mayın 15-dən etibarən Umbaki qəsəbəsindəki istintaq təcridxanasında aclıq edən Xalq Cəbhəsi Partiyasının fəalı Elxan Əliyev bu gün aclığı dayandırıb. Bu barədə Turan-a onun həyat yoldaşı Şahnaz Əliyeva bildirib.
Onun sözlərinə görə, bazar ertəsi həyat yoldaşı zəng edib və aclığı müvəqqəti olaraq dayandırdığını bildirib. Fəal bu qərarı hökmdən verilmiş apellyasiya şikayətinə yaxın günlərdə obyektiv baxılacağına söz verildikdən sonra qəbul edib.
Əliyev həyat yoldaşına deyib ki, ona verilən söz yerinə yetirilməsə, yenidən aclığa başlayacaq və sonuna qədər gedəcək.
Penitensiar Xidmətdən şərh almaq mümkün olmayıb.
* Elxan Əliyev 2023-cü ilin iyulunda "dələduzluq" və "saxta sənəd hazırlama və istifadə etmə" ittihamı ilə həbs olunub. Fəal ittihamları qondarma adlandırıb. Hüquq müdafiəçiləri onu siyasi məhbus kimi tanıyıblar.
Aprelin 1-də Bakı Ağır Cinayətlər Məhkəməsi onu 5 il azadlıqdan məhrumetmə cəzasına məhkum edib. Mayın 13-də apellyasiya şikayətinə baxılması zamanı Əliyev quru aclığa başlamaq niyyətini açıqlayıb.
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz