Ayrikyan: Putin üçün Ermənistan yoxdur

Putin üçün Ermənistan yoxdur, təkcə Zaqafqazya var. Bu barədə Yerevanda keçirilən mətbuat konfransında “Milli müqəddəratı təyin etmə” partiyasının lideri, Ermənistanın keçmiş prezidentliyə namizədi Paruyr Ayrikyan bildirib.

O xatırladıb ki, Rusiyanın Gürcüstanda və Azərbaycanda hərbi bazaları yoxdur. “Putin isə bildirib ki, çoxları Rusiyanın Zaqafqaziyadan getdiyini hesab etsə də, o, getmək niyyətində deyil, hətta regionda iştirakını gücləndirmək niyyətindədir. Söhbətin təkcə Ermənistandan getdiyi aydın deyimi?”, deyə Ayrikyan qeyd edib.

Putin faktiki olaraq bildirib ki, “biz erməni deyilik, zaqafqaziyalıyıq”. “Dəmir yolu da əbəs yerə Cənubi Qafqaz dəmir yolu adlandırılmır. Kölələr və qullar üçün bu, əhəmiyyətsizdir, amma Ermənistanda güclü olmasa da, ilk gündən reaksiya verən təbəqə var. Bu, xüsusən gənclərə aiddir ki, onlar üçün Ermənistan həmişə Ermənistan olub və belə də qalacaq. Bu axmaqlar oyanmasalar və azad insanlar kimi yaşamağa üstünlük verməsələr, Ermənistan bir gün Rusiyanın Cənubi Qafqaz əyaləti adlanacaq”, deyən Ayrikyan Ermənistanın Gömrük İttifaqına daxil olmasının tərəfdarlarını təhqir edib. -02D-