Azadlıq Partiyasının fəaliyyəti dayandırıldı

Bununla bağlı qərar dekabrın 5-də Bakı Apellyasiya Məhkəməsində Ədliyyə Nazirliyin müraciəti əsasında qəbul edilib.

Partiyanın sədri Əhməd Oruc məhkəmə Turana məsələni şərh edərkən məhkəmənin qərarını "siyasi sifarişli" adlandırıb.

Onun sözlərinə görə, məhkəmə ilə bağlı partiyaya heç bir bildiriş göndərilmədi: "Bildiriş göndərmədən, sənədlərlə tanış olmaq imkanı vermədən 15 dəqiqə ərzində məhkəmə partiyanın ləğvi ilə bağlı qərar çıxarıb. Biz, iddia ərizəsi ilə, sənədlərlə tanış olmağımızla bağlı vəsatət qaldırsaq da, hakim vəsatəti təmin eləmədi".

Ə.Oruc qeyd edib ki, partiyanın qeydiyyatı ilə bağlı son dəfə sənədlərini Ədliyyə Nazirliyinə öən ilin avqustun 21-də təqdim ediblər: "Bu 1 il 4 ay ərzində Ədliyyə Nazirliyi bildirdi ki, heç bir problem yoxdur, qeydiyyatdan keçmiş sayılırsınız. Amma bu müddət ərzində Prezident Administrasiyası tərəfindən partiyanın ləğvi və ya siyasi kursunun dəyişməsi ilə bağlı bizə təkliflər və təzyiqlər oldu. Biz qəbul etmədik".

O, vurğulayıb ki, məhkəmə qərarından kassasiya şikayəti veriləcək, eyni zamanda məsələ ilə bağlı beynəlxalq təsisatlara da müraciət ünvanlanacaq.