Azərbaycan: biz demokratları təqib etməyə başlayanda, sülh uzaqlaşır

Fransa prezidenti Fransua Olandın Azərbaycana rəsmi səfəri ərəfəsində Fransa mətbuatı diqqəti Sülh və Demokratiya İnstitutunun direktoru Leyla Yunusa qarşı təqiblərə yönəldib. O, “Zerkalo” qəzetinin şərhçisi Rauf Mirqədirovun Ermənist

anın xeyrinə casusluqda ittiham olunması işi çərçivəsində istintaqa cəlb edilib.

Son məqalə mayın 6-da   Le Huffington post-da dərc edilib. Nəşr   Le Monde media qrupuna daxildir.

“Azərbaycan: demokrat ovu sərtləşdirildikcə sülh uzaqlaşır”  adlı məqalədə

http://www.huffingtonpost.fr/jeanluc-bennahmias/azerbaidjan-chasse-democrates-paix_b_5271985.html

jurnalist, Avropa Parlamentindəki Yaşıllar fraksiyasının üzvü Jan Lyuk Bennaxmias Yunusun işi

prizmasından Azərbaycanda rejimin xarakterik cizğilərini verməyə çalışıb.

2013-cü ildə Fəxri legion ordeni ilə təltif edilmiş tanınmış hüquq müdafiəçisi Leyla Yunus aprelin 28-də Bakıdan Parisə uçmaq imkanlarından kobud şəkildə məhrum edilib. O və həyat yoldaşı Arif Brüsseldə təşkil edilən Avropa komissiyasının konfransına dəvət olunublar.

Sonrakı saatlarda L. və A. Yunuslar prokurorluq və polis tərəfindən mənəvi-psixoloji təzyiqlərə, təhqirlərə  məruz qalıblar ki, bu da A.Yunusun xəstəxanaya düşməsinə səbəb olub.

Jurnalist bu vəziyyəti əcinnə ovu kimi xarakterizə edir. Leyla və Arif vətəndaş hüquqlarının müdafiəçisidir, prezident Əliyevin döyüşkən siyasətinə qarşı çıxaraq Azərbaycan və Ermənistanın vətəndaş cəmiyyətləri arasında açıq dialoqa çağırış edirlər.  Saxlanmazdan üç gün əvvəl Leyla Yunus və onun erməni həmkarı Laura Bağdasaryan “Uşaqlarımız naminə sülh uğrunda birlikdə” adlı müraciət imzalayıb. Onun həyat yoldaşı Arifə gəlincə, o, tanınmış politoloqdur, bir neçə kitabın, yüzlərlə məqalənin, o cümlədən Dağlıq Qarabağ münaqişəsi haqqında məqalələrin müəllifidir. On ildən çoxdur ki, Ermənistanda konfranslarda iştirak edir.  

Məqalə müəllifi 2011-ci ildə Sülh və Demokratiya İnstitutunun ofisinin qanunsuz sökülməsinə də toxunur. Fransalı jurnalist qeyd edir ki, bunlar Bakının repressiv siyasətinin yeganə simvolları deyil. Ermənilərə qarşı nifrətin təbliğ edildiyi ölkədə ermənilərlə yaxınlaşmağa çağırış edənlər cəzalandırılır, Ermənistanda tənqidi debatlarda çıxış edən Rauf Mirqədirovla olduğu kimi.

Öz opponentlərini xəyanətdə ittiham etmək onları gözdən salmaq üçün yeganə üsul deyi, Bennaxmias yazır.  2012-ci ilin martında “Azadlıq” radiosunun Azərbaycan xidmətinin əməkdaşı Xədicə İsmayılova kobud təzyiqlərə məruz qalıb. Onun  intim xarakterli videosu yayılıb.

Senzura indeksi, Maddə 19 və ya Avropada sabitlik təşəbbüsləri (ESİ) kimi təşkilatların hesabatlarında Azərbaycandakı avtoritar klan rejimi kəskin tənqid olunur.

Azərbaycanda yaranmış vəziyyətdə rejimin hərəkətlərini ört-basdır edən, neft dollarları ilə ələ alınmış avropalı siyasətçilər, “kürü diplomatiyası” qalmaqalının personajları günahkardır, müəllif hesab edir.

Avropa Şurası insan hüquqları üzrə müvəkkil qeyd edir ki, L.Yunusun işi “Azərbaycanda tənqidi səslərə qarşı repressiyasının və təhqirin dərəcəsini göstərən sübutlardan biridir”. O, ölkəni ifadə, assosiasiya və toplaşma azadlığının təmin olunmasına çağırır.

Biz həmçinin  2013-cü ildə Bakı ictimai və siyasi xadimlər Anar Məmmədlini və İlqar Məmmədovu həbs edəndə Avropa Şurasının sərt mövqe tutmamasına təəssüf edirik. Mayın əvvəlində Azərbaycan Avropa Şurası Nazirlər Komitəsində sədr olacaq. “Belə şəraitdə bu, məqbuldurmu?, - məqalə müəllifi sual edir.

Jan Lyuk  Bennaxmias belə nəticəyə gəlir ki, opponentlərin təqib olunması regional sülhə və sabitliyə təhlükə törədir, sülh uğrunda çıxış edən cəsarətli  fəalların həbsinə şərait yaradır, beynəlxalq birlik münaqişənin bərpası üçün boş qəbzi imzalayır ki, bu da bütün region üçün acınacaqlı nəticələr verər, eyni zamanda Avropanın qapısı önündə böyük xaosun yaranmasına gətirib çıxaracar.—0—