Azərbaycan Cinayət Məcəlləsinə yeni "ekosid" maddəsi daxil edilir, ətraf mühitin çirkləndirilməsinə görə cərimələr kəskin şəkildə artır
Azərbaycan Cinayət Məcəlləsinə yeni "ekosid" maddəsi daxil edilir, ətraf mühitin çirkləndirilməsinə görə cərimələr kəskin şəkildə artır
Bu gün Milli Məclis ətraf mühitin çirklənməsinə görə məsuliyyətin sərtləşdirilməsi haqqında İnzibati Xətalar Məcəlləsinə dəyişiklikləri birinci oxunuşda qəbul edib.
Belə ki, gəminin bortundan zibil və digər əşyaların atılmasına görə cərimə 30 manatdan 300 manatadək artırılıb.
Nəqliyyat vasitələrindən zibil və digər əşyaların yollara atılmasına və ya yolların çirklənməsinə görə fiziki şəxslər 200 manat, vəzifəli şəxslər 1000 manat, hüquqi şəxslər isə 4000 manat cərimə ediləcəklər.
Məişət tullantılarının zibil qutularından kənara atılması fiziki şəxslər üçün 300 manat, vəzifəli şəxslər üçün 1000 manat və hüquqi şəxslər üçün 4000 manat cərimə ilə cəzalandırılacaq.
Göstərilən hərəkət bir il ərzində təkrar törədildikdə fiziki şəxslər 1000 manat, vəzifəli şəxslər 1500-2000 manat, hüquqi şəxslər isə 5000-7000 manat cərimə ediləcəklər. Hazırda sözügedən pozuntuya görə cərimənin məbləği 50 manatdır.
Tütün tullantılarının ətraf mühitə atılmasına görə cərimə 50 manatdan 300 manata qədər artırılır. İl ərzində pozuntu təkrarlanarsa 700 manat cərimə və ya 60-100 saat ictimai xidmət nəzərdə tutulur.
Parlament həmçinin Cinayət Məcəlləsinə dəyişiklikləri birinci oxunuşda qəbul edib. Əsasən sənədə yeni maddə 104-1 (ekosid) əlavə olunur.
Bu maddəyə əsasən, ekoloji sistemə ciddi ziyan dəydiyinə görə 10 ildən 15 ilə qədər azadlıqdan məhrumetmə cəzası nəzərdə tutulur. Bu maddəyə aşağıdakılar daxildir: bitkilər və ya heyvanlar aləminin kütləvi şəkildə məhv edilməsi, atmosferin, torpaq və ya su ehtiyatlarının zəhərlənməsi və ya ekologiyaya qəsdən zərər verən hərəkətlər.
-
- Cəmiyyət
- 8 Oktyabr 2024 15:15
Siyasət
-
Dövlət Departamentinin sözçüsü çərşənbə axşamı TURANın Vaşinqton müxbirinə rəsmi Bakının ABŞ və Qərbi düşməni kimi qələmə verməsi ilə bağlı sualına cavabında deyib: "Birləşmiş Ştatlar Azərbaycanla ikitərəfli münasibətlərini yüksək qiymətləndirir".
-
Azərbaycanın Laçın şəhəri 2025-ci ildə MDB-nin mədəniyyət paytaxtı olacaq, daha sonra estafet erməni Mehrisinə, ondan sonra isə Belarusun Molodeçno şəhərinə keçəcək. Bunu Rusiya prezidenti Vladimir Putin çərşənbə axşamı Moskvada MDB sammitində deyib.
-
Bugünkü təkbətək görüşlərdə Rusiya prezidenti Vladimir Putin İlham əliyev və Nikol Paşyanla yarım saata yaxın söhbət edib. Bu barədə jurnalistlərə Rusiya prezidentinin mətbuat katibi Dmitri Peskov bildirib.
-
Oktyabrın 8-də Rusiya prezidenti Vladimir Putin və Ermənistanın baş naziri Nikol Paşinyan Kremldə görüşüblər. Onların danışıqlarının əsas mövzularından biri Bakı və Yerevan arasında münasibətlərin normallaşmasıdır. Bundan öncə Rusiya prezidenti analoji məsələni Azərbaycan prezidenti İlham əliyevlə müzakirə edib.
Sülh müqaviləsindən kim yayınır: Ermənistan, yoxsa Azərbaycan? – Elxan Şahinoğlu Çətin sualda
Xəbər lenti
-
- Cəmiyyət,
- 16:18
- 258
Rəy yaz