Azərbaycan, Ermənistan və RF prezidentləri birgə bəyanat qəbul ediblər

Rusiya, Azərbaycan və Ermənistan prezidentləri Vladimir Putin, İlham Əliyev və Serj Sarqsyan bəzi məsələlərlə bağlı qarşılıqlı anlaşmaya nail olunduğunu vurğulayıblar. Belə ki, bu məsələlərin həlli Qarabağ nizamlanmasında irəliləyişə imkan verəcək.

“Bəzi məsələlərlə bağlı qarşılıqlı anlaşmaya nail olunduğu vurğulanıb. Belə ki, bu məsələlərin həlli Qarabağ nizamlanmasında irəliləyişə imkan verəcək”, - liderlərin Sankt-Peterburqda bugünkü görüşün yekunlarına dair qəbul etdikləri birgə bəyanatda deyilir.

RF, Azərbaycan və Ermənistan prezidentləri Dağlıq Qarabağ nizamlanmasına əlavə dinamika verilməsi barədə razılığa gəliblər. Bunu RF XİN rəhbəri Sergey Lavrov Vladimir Putin, İlham Əliyev və Serj Sarqsyanın danışıqlarının yekunları ilə bağlı bildirib.

“Bununla yanaşı biz danışıqlar prosesinin aktivləşdirilməsi üzrə konkret addımları çözdük, prezidentlər üçtrəfli bəyanatı razılaşdırdılar. Bəyanatda təmas xəttində durumun normallaşmasına sadiqlik təsdiqlənib. Münaqişə zonasında çalışan ATƏT müşahidəçilərinin sayının artırılması barədə razılıq əksini tapıb və münaqişənin siyasi yolla nizamlanması üzrə danışıqlarda davamlı irəliləyişə nail olmaq üçün şəraitin yaradılmasına sadiqlik ifadə olunub”, - RF XİN rəhbəri bildirib.

“Dövlət başçıları müşayiətçi və köməkçilərsiz görüşüblər”, - o əlavə edib.-0-