Putin Sarkisyan və Əliyevlə görüşlər keçirib (YENİLƏNİB)

RF prezidenti Vladimi Putin Bakı vaxtı ilə saat 18-də Azərbaycan prezidenti İlham Əliyevlə söhbəti davam etdirirdi.

Bundan əvvəl o, Ermənistan prezidenti ilə danışıqlar aparıb.

Danışıqların əvvəlində hər iki tərəf öz prioritetlərini qeyd edib: Sarkisyan bildirib ki, cəbhədə nəzarət mexanizmləri yaradılmalıdır, Əliyev isə erməni qoşunlarının işğal edilmiş ərazilərdən çıxarılmalı olduğunu vurğulayıb.

Bu görüşlərdən sonra ATƏT MQ həmsədrlərinin iştirakı ilə üçtərəfli görüş keçirilməlidir. -02D-

2016 İyun 20 (Bazar ertəsi) 14:41:34

Azərbaycanın dövlət başçısı İlham Əliyev bazar ertəsi günorta Sankt-Peterburqa gedib. Axşam Rusiya, Azərbaycan və Ermənistan prezidentlərinin Qarabağ mövzusu ilə bağlı danışıqları olacaq.

Rusiya mənbələrinin məlumatına  görə, öncə Vladimir Putinin Azərbaycan və Ermənistan prezidentləri ilə ayrıca görüşləri olacaq.

Sonra ATƏT-in Minsk Qrupu həmsədrlərinin iştirakı ilə üçtərəfli görüş olacaq.

Şərhçilər görüşün mümkün yekunlarını olduqca təmkinlə proqnozlaşdırırlar. Erməni ekspertlər əmindir ki, nizamlanmaya dair mərhələli həll planını qəbul etmək üçün Sarkisyana təzyiq göstəriləcək. Bu plana əsasən erməni tərəfi sərhədlərin açılmasının müqabilində Qarabağ ətrafında rayonları azad etməlidir. Qarabağın statusu məsələsi isə sonraya qalacaq.-02В-